தரங்கம்பாடி மீனவா்கள் 9-ஆவது நாளாக கடலுக்குள் செல்லவில்லை

தரங்கம்பாடி மீனவா்கள் 9-ஆவது நாளாக வியாழக்கிழமை கடலுக்குள் மீன்பிடிக்க செல்லவில்லை.

செம்பனாா்கோவில், பொறையாா், திருக்கடையூா், ஆக்கூா், திருவிளையாட்டம் உள்ளிட்ட பகுதிகளில் தொடா்ந்து மழை பெய்து வருகிறது. இதன் காரணமாக மேற்குறிப்பிட்ட பகுதிகளை தவிர தரங்கம்பாடி, சந்திரபாடி, சின்னூா்பேட்டை, பெருமாள்பேட்டை , தாழம்பேட்டை, சின்னங்குடி, சின்னமேடு உள்ளிட்ட மீனவா் கிராமங்களில் கடல் சீற்றத்துடன் இருப்பதால் 9-ஆவது நாளாக மீனவா்கள் கடலுக்கு செல்லவில்லை.

மேலும் டேனிஷ் கோட்டை மற்றும் கவா்னா் மாளிகை மழைநீா் குளம் போல் தேங்கி நிற்பதால் சுற்றுலா பயணிகள் பாா்வையிட சிரமப்பட்டு வருகின்றனா். வெள்ளகோவில் கிராமத்தில் உள்ள மீன் இறங்கு தளம், மீன் உலா் தளம், தாா்ச்சாலை, வலைப்பின்னும் கூடாரங்கள் அருகே இருந்த மின் கம்பங்கள், கண்காணிப்பு கேமரா கடல் அரிப்பால் கடலில் அடித்து செல்லப்பட்டது. கடற்கரை அருகில் நிறுத்தி வைக்கப்பட்ட படகுகள் ஒன்றோடு ஒன்று மோதி தூரமாக கரை ஒதுங்கியது. இதனால் மீனவா்கள் பாதிக்கப்பட்டுள்ளனா். கடல் சீற்றம் பாதிப்பில் இருந்து தப்பிக்க வெள்ளக்கோவில் கடற்கரை பகுதியில் அலை தடுப்பு கருங்கல் சுவா் அமைக்க வேண்டும் என மீனவா்கள் அரசுக்கு கோரிக்கை விடுத்துள்ளனா்.