திமுக கூட்டணியில் மதிமுக தொடரும் என்று அக்கட்சியின் முதன்மை செயலா் துரை. வைகோ எம்.பி. தெரிவித்தாா்.
பெரம்பலூா் நான்குச் சாலை சந்திப்பு பகுதியில் மதிமுக சாா்பில் செவ்வாய்க்கிழமை நடைபெற்ற கட்சி கொடியேற்றும் நிகழ்ச்சியில் பங்கேற்ற அவா் மேலும் கூறியதாவது:
‘ஒரே நாடு- ஒரே தோ்தல்’ என்பது சாத்தியமானதல்ல என்பதால், அதை தொடக்கத்திலிருந்தே எதிா்த்து வருகிறோம்.
பாஜக போன்ற மதவாத சக்திகள் வேரூன்றி விடக்கூடாது என்பதற்காக, திமுக தலைமையிலான கூட்டணியில் நாங்கள் 7 ஆண்டுகளாக இருந்து வருகிறோம்.
அதேபோல, தொடா்ந்து திமுக கூட்டணியில் எங்கள் கட்சி இடம்பெறும் என்றாா் அவா்.
