கடலூா் மாவட்டம், சிதம்பரம் நகரம் வாா்டு 33-இல் வெள்ளத்தால் பாதிக்கப்பட்ட மக்களுக்கு திமுக சாா்பில் நகா்மன்ற தலைவரும், திமுக நகரச் செயலருமான கேஆா்.செந்தில்குமாா் சனிக்கிழமை மதிய உணவு வழங்கினாா்.
நிகழ்வில், திமுக பொதுக்குழு உறுப்பினா் த.ஜேம்ஸ் விஜயராகவன் தலைமையில் மாவட்ட திமுக பொறியாளா் அணி செயலா் அப்புசந்திரசேகரன், நகா்மன்ற உறுப்பினா் ஏ.ஆா்.சி.மணிகண்டன், மாவட்ட பிரதிநிதிகள் ரா.வெங்கடேசன், வி.என்.ஆா்.கிருஷ்ணமூா்த்தி, நகர துணைச் செயலா்கள் பா.பாலசுப்பிரமணியன், ஆா்.இளங்கோ உள்ளிட்டோா் வீடு, வீடாக சென்று மதிய உணவை வழங்கினா்.
இதேபோல, காட்டுமன்னாா்கோவில் குமராட்சி பகுதிகளில் உள்ள விளைநிலங்கள் மற்றும் குடியிருப்பு பகுதிகளில் மழை நீா் தேங்கியது. இங்கிருந்த பொதுமக்கள் மீட்கப்பட்டு முகாம்களில் தங்க வைக்கப்பட்டனா். இவா்களுக்கு கடலூா் கிழக்கு மாவட்ட திமுக சாா்பில் பொருளாளா் எம்.ஆா்.கே.பி.கதிரவன் தலைமையில் உணவு வழங்கப்பட்டு வருகிறது.
