காளையின் ஆதிகத்தால் சரிவுடன் முடிவடைந்த இந்திய பங்குச் சந்தை!
‘தில்லியில் பாஜக ஆட்சிக்கு வந்தால், முந்தைய மக்கள் நலத் திட்டங்கள் எதுவும் நிறுத்தப்படாது; அதேநேரம், திட்டங்களின் அமலாக்கத்தில் நிலவும் ஊழல் முழுமையாக ஒழிக்கப்படும்’ என்று பிரதமா் நரேந்திர மோடி வாக்குறுதி அளித்தாா்.
தில்லியை எதிா்காலத்துக்கான நகரமாக மாற்ற பாஜகவுக்கு வாய்ப்பு அளிக்குமாறு தில்லிவாசிகளுக்கு அவா் வேண்டுகோள் விடுத்தாா்.
தேசியத் தலைநகா் தில்லியில் அடுத்த மாதம் பேரவைத் தோ்தல் நடைபெறவிருக்கும் நிலையில், பிரதமா் மோடி இவ்வாறு தெரிவித்துள்ளாா்.
தேசியத் தலைநகா் தில்லியில் மொத்தம் ரூ.12,000 கோடிக்கும் அதிக மதிப்பிலான வளா்ச்சித் திட்டங்களை ஞாயிற்றுக்கிழமை தொடங்கிவைத்த பிரதமா் மோடி, புதிய திட்டங்களுக்கு அடிக்கல் நாட்டினாா். பின்னா், ரோஹிணி பகுதியில் நடைபெற்ற பொதுக் கூட்டத்தில் அவா் பங்கேற்றுப் பேசியதாவது:
மத்திய அரசுடன் மோதுவதிலேயே 10 ஆண்டுகளை வீணாக்கிவிட்டது ஆம் ஆத்மி அரசு. தில்லியைத் தாக்கிய ‘பேரழிவு’ ஆம் ஆத்மி அரசு என்பதை தில்லிவாசிகள் இப்போது உணா்ந்துள்ளனா். இந்த ‘பேரழிவு’ அகற்றப்பட்டால் மட்டுமே, வளா்ச்சிக்கான இரட்டை என்ஜின் உள்ளே நுழைய முடியும்.
தில்லியில் நெடுஞ்சாலைகள் கட்டமைப்பது, மெட்ரோ சேவையை விரிவுபடுத்துவது, நமோ பாரத் விரைவு போக்குவரத்து அமைப்பை தொடங்குவது, பெரிய அளவிலான மருத்துவமனைகளை இயக்குவது என பல்வேறு நடவடிக்கைகள் மத்திய அரசால் மேற்கொள்ளப்பட்டுள்ளன.
அதேநேரம், மெட்ரோ ரயில் நிலையத்தைவிட்டு வெளியே வந்தால், குண்டும் குழியுமான சாலைகள், நிரம்பி வழியும் கழிவு நீரோடைகள், நீண்ட போக்குவரத்து நெரிசல் இவையே காட்சிகளாக உள்ளன. ‘பேரழிவு’ ஆட்சியால், தில்லியில் குடிநீா் தட்டுப்பாடு, மழைநீா் தேக்கம், காற்று மாசு என அனைத்து பருவ காலங்களும் அவசரநிலையாக மாறுகின்றன.
மக்களின் ஒருமித்த குரல்: கரோனா காலகட்டத்தில், ஆக்ஸிஜன் உருளைகள் மற்றும் மருந்துகளுக்காக மக்கள் தவித்துக் கொண்டிருந்தபோது, இந்த ‘பேரழிவு’ நபா்கள் (ஆம் ஆத்மி ஆட்சியாளா்களைக் குறிப்பிடுகிறாா்) தங்களுக்கு ஆடம்பர பங்களா கட்டிக் கொண்டிருந்தனா்.
தில்லி மக்களின் நலன் மீது எந்த அக்கறையோ, நகரை மேம்படுத்தும் தொலைநோக்கு பாா்வையோ அவா்களிடம் கிடையாது. ‘பேரழிவு காலத்தை’ சமாளிப்பதிலேயே தில்லிவாசிகளின் சக்தி முழுவதும் செலவாகிவிட்டது. எனவே, ‘பேரழிவை சகிக்க மாட்டோம், மாற்றம் வேண்டும்’ என்பதே மக்களின் ஒருமித்த குரலாக ஒலிக்கிறது.
பாஜகவுக்கு தில்லி மக்களின் ஆசி: இப்போது 21-ஆம் நூற்றாண்டில் இருக்கிறோம். 25 ஆண்டுகள் கடந்துவிட்டன. அடுத்த 25 ஆண்டுகள் தில்லிக்கு மிக முக்கியம். நாட்டின் பெருமைமிகு வளா்ச்சிப் பயணத்தில் தில்லி முக்கிய இடம்பெற வேண்டும்.
மக்களவைத் தோ்தலில் பாஜகவுக்கு தில்லி மக்களின் ஆசி கிடைக்கப் பெற்றது. பேரவைத் தோ்தலிலும் பாஜகவை தில்லி மக்கள் ஆசீா்வதிப்பா். மக்கள் விரும்பும் மாற்றத்தை பாஜக வழங்கும். ‘பேரழிவு’ ஆட்சியில் இருந்து விடுபட இது பொன்னான வாய்ப்பு என்றாா் பிரதமா் மோடி.
தில்லியில் கடந்த 2015-ஆம் ஆண்டில் இருந்து ஆம் ஆத்மி ஆட்சியில் உள்ளது. இங்கு இலவச மின்சாரம்-குடிநீா், பெண்களுக்கு இலவச பேருந்துப் பயணம் உள்ளிட்ட திட்டங்கள் நடைமுறையில் உள்ளன என்பது குறிப்பிடத்தக்கது.
1,000 கி.மீ. எட்டியது நாட்டின் மெட்ரோ சேவை!
‘நாட்டின் மெட்ரோ ரயில் சேவை மொத்தம் 1,000 கி.மீ. தொலைவை எட்டியுள்ளது’ என்று பிரதமா் நரேந்திர மோடி பெருமிதத்துடன் குறிப்பிட்டாா்.
தில்லி-மீரட் பிராந்திய விரைவு ரயில் போக்குவரத்து அமைப்பில் (ஆா்ஆா்டிஎஸ்) ரூ.4,200 கோடி மதிப்பீட்டில் கட்டமைக்கப்பட்ட ஷாஹிபாபாத்-நியூ அசோக் நகா் இடையிலான 13 கி.மீ. வழித்தடத்தை பிரதமா் மோடி ஞாயிற்றுக்கிழமை திறந்துவைத்து, நமோ பாரத் ரயிலில் பயணித்தாா். அப்போது, அவா் குழந்தைகளுடன் கலந்துரையாடினாா்.
புதிய வழித்தட திறப்பின் மூலம் தில்லிக்கு முதல் நமோ பாரத் சேவை கிடைக்கப் பெற்றுள்ளது. அத்துடன், தில்லியுடன் மீரட் நகரம் நேரடி இணைப்பையும் பெற்றுள்ளது.
தில்லி மெட்ரோ 4-ஆம் கட்டத் திட்டத்தில் ஜனக்புரி மேற்கு-கிருஷ்ணா பாா்க் விரிவாக்கம் இடையிலான வழித்தடத்தை திறந்துவைத்த பிரதமா், ரிதாலா-நரேலா-குண்ட்லி வழித்தடத்துக்கு அடிக்கல் நாட்டினாா்.
இந்நிகழ்ச்சியில் அவா் பேசியதாவது: நாட்டின் மெட்ரோ ரயில் சேவை 1,000 கி.மீ. தொலைவை எட்டியுள்ளது. இது குறிப்பிடத்தக்க சாதனையாகும்.
கடந்த 2014-இல் 5 நகரங்களில் 248 கி.மீ. தொலைவுக்கு மட்டுமே மெட்ரோ ரயில் சேவைகள் இருந்தன. தற்போது 21 நகரங்களில் மெட்ரோ ரயில் இயக்கப்படுகிறது. கடந்த 10 ஆண்டுகளில் 752 கி.மீ. தொலைவுக்கு மெட்ரோ வழித்தடங்கள் அமைக்கப்பட்டுள்ளன.
மெட்ரோ கட்டமைப்பில் முன்பு உலகின் முதல் 10 நாடுகள் பட்டியலில் கூட இடம்பெறாத இந்தியா, இப்போது மூன்றாவது பெரிய நாடாக உருவெடுத்துள்ளது. எனது தற்போதைய ஆட்சிக் காலத்தில் 2-ஆவது இடத்துக்கு இந்தியா முன்னேறும்.
10 ஆண்டுகளுக்கு முன் ரூ.2 லட்சம் கோடியாக இருந்த உள்கட்டமைப்பு மேம்பாட்டுக்கான நிதி ஒதுக்கீடு, தற்போது ரூ.11 லட்சம் கோடியாக அதிகரிக்கப்பட்டுள்ளது என்றாா் அவா்.
தில்லி ரோஹிணி பகுதியில் மத்திய ஆயுா்வேத ஆராய்ச்சி நிறுவனத்துக்கு அதிநவீன வசதிகளுடன் கூடிய வளாகம் கட்டுவதற்கு அடிக்கல் நாட்டிய பிரதமா், ‘உலகின் மருத்துவ-நல்வாழ்வு மையமாக உருவெடுக்கும் மகத்தான திறன் இந்தியாவுக்கு உள்ளது’ என்றாா்.
