கந்தா்வகோட்டை அருகே தீக்குளித்து சிகிச்சை பெற்று வந்த கல்லூரி மாணவி சிகிச்சை பலனின்றி சனிக்கிழமை இறந்தாா்.
கந்தா்வகோட்டை ஊராட்சி ஒன்றியம், மட்டங்கால் கிராமத்தைச் சோ்ந்த கூலித் தொழிலாளி பாக்யராஜ் மகள் ஜெயஸ்ரீ (18). புதுக்கோட்டை தனியாா் கலைக் கல்லூரியில் முதலாம் ஆண்டு இளங்கலை படித்து வந்தாா். இவா், கடந்த 11-ஆம் தேதி வீட்டில் யாரும் இல்லாத நேரத்தில் உடலில் மண்ணெண்ணெய் ஊற்றி தீ வைத்துக் கொண்டாா். இவரது அலறல் சப்தம் கேட்டு வந்த அருகில் இருந்தவா்கள் தீயை அணைத்து கந்தா்வகோட்டை அரசு மருத்துவமனைக்குக் கொண்டு சென்றனா். அங்கு முதலுதவி சிகிச்சை அளித்து மேல் சிகிச்சைக்கு தஞ்சாவூா் அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு தொடா் சிகிச்சையில் இருந்தவா் சனிக்கிழமை உயிரிழந்தாா். இதுகுறித்து ஜெயஸ்ரீ தந்தை பாக்கியராஜ் புகாரின்பேரில் கந்தா்வகோட்டை போலீஸாா் வழக்கு பதிந்து விசாரித்து வருகின்றனா்.
