தீபாவளி பண்டிகையை முன்னிட்டு தூத்துக்குடி மாநகர கடைவீதிகளில் பொருள்கள் வாங்குவதற்காக புதன்கிழமை மக்கள் கூட்டம் அலைமோதியது.
தீபாவளி பண்டிகைக்காக புத்தாடைகள், அணிகலன்கள், வீட்டு உபயோகப் பொருள்கள் உள்ளிட்ட பொருள்களை வாங்க கடந்த சில நாள்களாக தூத்துக்குடி மாநகர பகுதிகளில் கூட்டம் அதிகரித்து காணப்பட்டது. இந்த நிலையில், தீபாவளி பண்டிகையின் முந்தைய நாளான புதன்கிழமை, மாநகரின் கடை வீதிகளில் மக்கள் கூட்டம் அலைமோதியது.
இதனால் இனிப்பு, பலகாரக்கடை, ஜவுளிக் கடை, வீட்டு உபயோகப் பொருள்கள் கடை, பட்டாசுக் கடைகள், பூக்கடைகள் என அனைத்து கடைகளிலும் மக்கள் கூட்டம் அதிகரித்து காரணப்பட்டது.
பொதுமக்களின் பாதுகாப்புக்காக முக்கிய வீதிகளில் போலீஸாா் பாதுகாப்பு பணியில் ஈடுபட்டனா். மேலும், கூட்டம் அதிகமாக உள்ள இடங்களில் போலீஸாா் சாதாரண உடையணிந்து கண்காணிப்பு பணியில் ஈடுபட்டனா்.
