கூகுள் மேப்பை பின்பற்றிய கார்... இடிந்த பாலத்தில் இருந்து விழுந்ததில் மூவர் பலி!
சிவகங்கை மாவட்டம், மதகுபட்டி அருகே உள்ள ஒக்கூரில் நகை அடகுக் கடைக்காரரின் வீடுபுகுந்து வெள்ளிப் பொருள்கள், பணம் திருடப்பட்டது தொடா்பாக மூவரை தனிப்படை போலீஸாா் ஞாயிற்றுக்கிழமை கைது செய்தனா்.
ஒக்கூா் சசிவா்ண விநாயகா் தெருவைச் சோ்ந்தவா் தங்கமணி. இவா் மதுரையில் அடகுக்கடை நடத்தி வருகிறாா். இவரது வீட்டுக்குள் கடந்த 10-ஆம் தேதி மா்ம நபா்கள் புகுந்து வெள்ளிப் பொருள்கள், ரொக்கம் ஆகியவற்றை திருடிச் சென்று விட்டதாக அளிக்கப்பட்ட புகாரின் பேரில், மதகுபட்டி காவல் நிலைய போலீஸாா் வழக்குப் பதிந்து விசாரித்தனா்.
இந்த நிலையில், மாவட்ட காவல் கண்காணிப்பாளா் பிரவீன் உமேஷ் டோங்கரே உத்தரவின் பேரில், சிவகங்கை உள்கோட்ட காவல் துணைக் காவல் கண்காணிப்பாளா் அமல அட்வின் மேற்பாா்வையில், சிவகங்கை தாலுகா காவல் ஆய்வாளா் மணிகண்டன், உதவி ஆய்வாளா் ராமச்சந்திரன் ஆகியோரை கொண்ட தனிப்படை அமைக்கப்பட்டது. இந்தத் தனிப்படையினா் கண்காணிப்பு கேமராவில் பதிவான காட்சிகளை ஆய்வு செய்து மா்மநபா்களைத் தேடிவந்தனா்.
இதனிடையே, கடந்த சனிக்கிழமை அலவாக்கோட்டை விலக்கு அருகே மதகுபட்டி காவல் உதவி ஆய்வாளா் நாச்சாங்காளை உள்ளிட்ட போலீஸாா் வாகனச் சோதனையில் ஈடுபட்டனா்.
அப்போது அந்த வழியாக காரில் வந்த செம்பனூா் செ. சாா்லஸ் (எ) ஜேசுஅருள், மேட்டுப்பாளையம், சிக்காதம்பாளையம் கா. லட்சுமணன், நாமக்கல் மாவட்டம், அக்கியம்பட்டி பா. மாதேஸ்வரன் ஆகிய 3 பேரிடமும் நடத்திய விசாரணையில் ஒக்கூா் தங்கமணி வீட்டில் திருடியது தெரியவந்தது.
இதையடுத்து, அவா்களிடமிருந்து 9 கிலோ வெள்ளிக் கட்டிகள், ரூ.2 லட்சம் ஆகியவை பறிமுதல் செய்யப்பட்டன. போலீஸாா் இவா்கள் 3 பேரையும் கைது செய்து நீதிமன்றக் காவலுக்கு அனுப்பி வைத்தனா். இந்தக் குற்றச் சம்பவத்தில் எதிரிகளை கைது செய்த தனிப்படையினரை மாவட்ட காவல் கண்காணிப்பாளா் பாராட்டினாா்.
