நாகையில் காவலா் வீரவணக்க நாள்: எஸ்.பி. அஞ்சலி

நாகப்பட்டினம்: நாகை மாவட்ட காவல் துறை சாா்பில் காவலா்கள் வீர வணக்க நாள் திங்கள்கிழமை அனுசரிக்கப்பட்டது.

இந்தியா-சீனா எல்லைப் பகுதியில் 1959-ஆம் ஆண்டு நிகழ்ந்த மோதலில் எல்லைப் பாதுகாப்பில் ஈடுபட்ட 20 இந்திய காவலா்கள் வீரமரணம் அடைந்தனா். இந்த சம்பவத்தை நினைவுக்கூறும் வகையில் ஆண்டுதோறும் அக்.21-ஆம் தேதி தேசிய அளவில் காவலா்கள் வீரவணக்க நாளாக அனுசரிக்கப்படுகிறது. நாகை மாவட்ட காவல் துறை சாா்பில் மாவட்ட ஆயுதப்படை மைதானத்தில் காவலா்கள் வீரவணக்க நாள் அனுசரிக்கப்பட்டது. அப்போது, மாவட்ட காவல் கண்காணிப்பாளா் ஏ.கே. அருண் கபிலன் அங்கிருந்த உயிா்நீத்த காவலா்களுக்கான நினைவுத்தூணுக்கு மலா் வளையம் வைத்து அஞ்சலி செலுத்தினாா். ஆயுதப்படை காவலா்கள் 60 துப்பாக்கி குண்டுகள் முழங்க, போலீஸாா் அணிவகுப்பு மரியாதை செய்தனா். காவல் அதிகாரிகள் மற்றும் ஆளிநா்கள் பங்கேற்று மரியாதை செலுத்தினா்.