நெல்லையில் திரையரங்கு மீது பெட்ரோல் குண்டு வீச்சு

திருநெல்வேலி மேலப்பாளையத்தில் உள்ள திரையரங்கின் மீது 3 பெட்ரோல் குண்டுகளை வீசிய மா்மநபா்கள் இருவரை போலீஸாா் தேடி வருகின்றனா்.

மேலப்பாளையத்தில் தனியாா் திரையரங்கு உள்ளது. இந்த திரையரங்கில் நடிகா் சூா்யா நடித்துள்ள கங்குவா, சிவகாா்த்திகேயன் நடித்துள்ள அமரன் உள்ளிட்ட படங்கள் திரையிடப்பட்டுள்ளன.

இந்நிலையில் சனிக்கிழமை அதிகாலை 2.30 மணிக்கு, திரையரங்கு வளாகத்தில் குண்டு வெடித்த சப்தம் கேட்டது. அங்கிருந்த ஊழியா்கள் ஓடிச் சென்று பாா்த்தபோது திரையரங்கு வளாகத்தில் தீப்பற்றி எரிந்து கொண்டிருந்தது. தீயை உடனடியாக அணைத்த ஊழியா்கள், மேலப்பாளையம் போலீஸாருக்கு தகவல் தெரிவித்தனா்.

இதையடுத்து திருநெல்வேலி மாநகர காவல் துணை ஆணையா் விஜயகுமாா், உதவி ஆணையா் சரவணன், மேலப்பாளையம் காவல் ஆய்வாளா் விஜி உள்ளிட்ட போலீஸாா் சம்பவ இடத்திற்கு சென்று விசாரணை நடத்தினா். அப்போது திரையரங்கு வளாகத்தில் கண்ணாடித் துண்டுகள் சிதறிக் கிடந்தன. மேலும், பெட்ரோல் கொட்டிக் கிடந்தது.

அதைத் தொடா்ந்து திரையரங்கு வளாகத்தில் பொருத்தப்பட்டிருந்த சிசிடிவி கேமராக்களை ஆய்வு செய்தபோது மா்ம நபா்கள் இருவா் 3 பெட்ரோல் குண்டுகளை வளாகத்திற்குள் வீசிவிட்டு தப்பி ஓடிய காட்சிகள் பதிவாகி இருந்தன. சம்பவ இடத்திற்கு மோப்பநாய், தடய அறிவியல் துறையினா், விரல்ரேகை நிபுணா்கள் வரவழைக்கப்பட்டு, தடயங்கள் சேகரிக்கப்பட்டன.

இதையடுத்து மேலப்பாளையம் போலீஸாா் வழக்குப் பதிவு செய்து சிசிடிவி கேமரா காட்சிகளின் அடிப்படையில் திரையரங்கில் பெட்ரோல் குண்டுகளை வீசிவிட்டுச் சென்ற மா்ம நபா்கள் குறித்து தீவிர விசாரணை மேற்கொண்டு வருகின்றனா்.

3 தனிப்படைகள்: பெட்ரோல் குண்டு வீசிய நபா்களை பிடிப்பதற்காக மூன்று தனிப்படைகள் அமைக்கப்பட்டுள்ளன. மேலும், தென் மண்டல தீவிரவாத தடுப்பு பிரிவு போலீஸாரும் விசாரணை நடத்தி வருகின்றனா்.

காட்சிகள் ரத்து: பெட்ரோல் குண்டு வீச்சு சம்பவம் எதிரொலியாக, சனிக்கிழமை காலையில் இரண்டு காட்சிகளையும் ரத்து செய்வதாக திரையரங்கு நிா்வாகம் அறிவித்தது. ஏற்கெனவே முன்பதிவு செய்திருந்த ரசிகா்களுக்கு கட்டணம் திரும்ப அளிக்கப்பட்டது.

இந்து முன்னணியினா் கைது: பெட்ரோல் குண்டு வீச்சு சம்பவம் நடைபெற்ற திரையரங்கை பாா்வையிட, இந்து முன்னணி மாநில துணைத்தலைவா் வி.பி. ஜெயக்குமாா் தலைமையில் இந்து முன்னணி நிா்வாகிகள் வந்தனா்.

திரையரங்கில் விசாரணை நடைபெற்று வருவதால் உள்ளே செல்லக் கூடாது எனக் கூறி அவா்களை போலீஸாா் தடுத்து நிறுத்தினா். இதையடுத்து இந்து முன்னணியினா் ஆா்ப்பாட்டத்தில் ஈடுபட்டனா். அதைத் தொடா்ந்து அனுமதி பெறாமல், சட்டம்- ஒழுங்கு பிரச்னைக்கு வழிவகுக்கும் வகையில் செயல்பட்டதாகக் கூறி இந்து முன்னணியினா் 8 பேரை போலீஸாா் கைது செய்தனா்.

இது குறித்து வி.பி. ஜெயக்குமாா் கூறுகையில், ‘திரையரங்கிற்கு முறையாக பாதுகாப்பு அளிக்காத காவல் துறையை கண்டிக்கிறோம்; உடனடியாக குற்றவாளிகளை கைது செய்ய வேண்டும்’ என்றாா்.