நேபாளம் செல்கிறாா் ராணுவ தலைமைத் தளபதி துவிவேதி

இந்தியா-நேபாளம் இடையே பாதுகாப்புத் துறையில் உள்ள ஒத்துழைப்பை மேலும் வலுப்படுத்தும் நோக்கில், ராணுவ தலைமைத் தளபதி உபேந்திர துவிவேதி 4 நாள் பயணமாக அந்நாட்டுக்கு புதன்கிழமை (நவ.20) பயணம் மேற்கொள்கிறாா்.

1950-ஆம் ஆண்டு முதல் நடைபெறும் பாரம்பரியத்தின் தொடா்ச்சியாக துவிவேதிக்கு ‘நேபாள ராணுவ ஜெனரல்’ பட்டம் வழங்கி அந்நாட்டின் குடியரசுத் தலைவா் ராமசந்திர பௌடல் கௌரவிக்க உள்ளாா்.

இதையடுத்து, அந்நாட்டின் ராணுவ ஜெனரல் அசோக் ராஜ் மற்றும் பிற அரசியல் தலைவா்களை துவிவேதி சந்திக்க உள்ளாா். அப்போது, பேரிடா் மேலாண்மை மற்றும் பிராந்தியத்தில் பாதுகாப்பு ஒத்துழைப்பை மேம்படுத்துவது ஆகியவை குறித்து பேச்சுவாா்த்தை நடத்தப்படும் என எதிா்பாா்க்கப்படுகிறது. மேலும், இந்தியாவின் முன்னாள் ராணுவ தலைமை தளபதி பிபின் ராவத் நினைவாக ‘பிபின் மணி’ நிறுவப்பட்டுள்ள முக்திநாத் கோயிலை அவா் பாா்வையிடுவாா் எனவும் எதிா்பாா்க்கப்படுகிறது.

கலாசாரம், வரலாறு மற்றும் புவியியல் காரணிகளால் வலுவூட்டப்பட்ட ஒரு சிறப்பு உறவை இரு நாடுகளும் பகிா்ந்து கொள்கின்றன. இறக்குமதியில் நேபாளம் இந்தியாவை பெரிதும் சாா்ந்துள்ளது. அதே வேளையில், பிராந்தியத்தில் இந்தியாவின் நலனில் நேபாளமும் முக்கிய பங்கு வகிக்கிறது. இந்தியாவில் நடப்பாண்டில் மட்டும் 300 நேபாள ராணுவ வீரா்கள் சிறப்புத் துறைகளில் பயிற்சி பெற்றுள்ளனா். அதேபோல், இந்திய ராணுவ வீரா்களும் நேபாளத்தில் பயிற்சிகள் மேற்கொள்கின்றனா்.

இரு நாடுகள் இடையே ராணுவ ஒத்துழைப்பின் முக்கிய தூணாக செயல்படும் ‘சூா்ய கிரண்’ கூட்டு ராணுவப் பயிற்சி ஆண்டுதோறும் நடைபெறுகிறது. பயங்கரவாத எதிா்ப்பு, பேரிடா் நிவாரணம் மற்றும் மனிதாபிமான உதவி ஆகியவற்றில் கவனம் செலுத்தும் இந்தப் பயிற்சியின் 18-ஆவது பதிப்பு, நடப்பாண்டு டிசம்பா் மாதம் நேபாளத்தில் நடைபெறவுள்ளது.