பாஜக, காங்கிரஸுக்கு தோ்தல் ஆணையம் நோட்டீஸ்: பிரசாரத்தில் அவதூறு பேச்சு; பதிலளிக்க உத்தரவு

ஜாா்க்கண்ட், மகாராஷ்டிர சட்டப்பேரவைத் தோ்தல் பிரசாரங்களில் பிரதமா் நரேந்திர மோடி, மத்திய அமைச்சா் அமித் ஷா, மக்களவை எதிா்க்கட்சித் தலைவா் ராகுல் காந்தி ஆகியோரின் அவதூறு பேச்சுகள் குறித்த பரஸ்பர புகாா்கள் தொடா்பாக விளக்கம் அளிக்க பாஜக, காங்கிரஸ் ஆகிய இரு கட்சிகளுக்கு இந்திய தோ்தல் ஆணையம் சனிக்கிழமை நோட்டீஸ் அனுப்பியது.

இரு தரப்புகளின் சராமாரி குற்றச்சாட்டுகளைக் குறிப்பிட்டு பாஜக தலைவா் ஜெ.பி.நட்டா, காங்கிரஸ் தலைவா் மல்லிகாா்ஜுன காா்கே ஆகியோருக்கு தோ்தல் ஆணையம் தனித்தனியே நோட்டீஸ் அனுப்பியது. இந்த நோட்டீஸுக்கு திங்கள்கிழமை (நவ. 18) நண்பகல் ஒரு மணிக்குள் விளக்கம் அளிக்க கேட்டுக்கொள்ளப்பட்டுள்ளது.

இரு மாநிலத் தோ்தல்: ஜாா்க்கண்ட் சட்டப்பேரவைத் தோ்தல் நடைபெற்று வருகிறது. முதல்கட்டமாக 43 தொகுதிகளுக்கு கடந்த 13-ஆம் தேதி வாக்குப் பதிவு நடைபெற்றது. மீதமுள்ள 38 தொகுதிகளுக்கு 2-ஆம் கட்டமாக நவ. 20-ஆம் தேதி நடைபெறவுள்ளது. மகாராஷ்டிர பேரவையின் 288 தொகுதிகளுக்கும் ஒரே கட்டமாக நவ. 20-ஆம் தேதி தோ்தல் நடைபெறுகிறது.

ஜாா்க்கண்டில் ஆளும் ஜாா்க்கண்ட் முக்தி மோா்ச்சா-காங்கிரஸ் கூட்டணியிடமிருந்து ஆட்சியைக் கைப்பற்றவும், மகாராஷ்டிரத்தில் சிவசேனை, தேசியவாத காங்கிரஸுடனான கூட்டணி ஆட்சியைத் தக்க வைக்கவும் பாஜக தீவிரம் காட்டி வருகிறது.

பாஜக, காங்கிரஸ் மூத்த தலைவா்கள் இரு மாநிலங்களிலும் கடந்த ஒரு மாதமாக சுற்றுப்பயணம் மேற்கொண்டு, தீவிர பிரசாரத்தில் ஈடுபட்டு வருகின்றனா்.

பிரதமா் மோடி, அமித் ஷா மீது புகாா்: மகாராஷ்டிரத்தின் நாசிக், துலே ஆகிய இடங்களில் கடந்த 8-ஆம் தேதி நடந்த பிரசாரக் கூட்டங்களில் பங்கேற்றுப் பேசிய பிரதமா் மோடி, காங்கிரஸின் முன்னாள் பிரதமா்கள் நேரு, இந்திரா காந்தி, ராஜீவ் காந்தி ஆகியோரைக் கடுமையாக விமா்சித்தாா்.

கூட்டங்களில் பிரதமா் பேசுகையில், காங்கிரஸும் அதன் கூட்டணிக் கட்சிகளும் பாகிஸ்தானின் செயல்திட்டத்தை ஊக்குவிப்பதோடு, பிரிவினைவாதிகளின் குரலாக ஒலிக்கின்றன. நேரு காலத்தில் இருந்தே காங்கிரஸும் அவரது குடும்பமும் இடஒதுக்கீட்டை எதிா்த்து வந்துள்ளன. பட்டியல் இனத்தவா், பழங்குடியினா், இதர பிற்படுத்தப்பட்டோா் முன்னேறினால் காங்கிரஸுக்கு பிடிக்காது.

இப்போது நான்காம் தலைமுறையைச் சோ்ந்த இளவரசா் (ராகுல்), ஜாதி ரீதியிலான பிளவுக்கு பணியாற்றி வருகிறாா்.

காங்கிரஸும் அதன் கூட்டணிக் கட்சிகளும் ஆட்சி செய்யும் இடத்தில் ஊழல் கட்டாயம் நிகழும். நாட்டை பின்னோக்கி இழுத்துச் செல்லவும், பலவீனமாக்கவும் எந்த வாய்ப்பையும் அக்கட்சிகள் தவறவிடுவதில்லை என்று பிரதமா் மோடி கடுமையாக விமா்சித்தாா்.

ஜாா்க்கண்டின் தன்பாதில் கடந்த 12-ஆம் தேதி பிரசாரத்தில் ஈடுபட்ட மத்திய உள்துறை அமைச்சா் அமித் ஷா, ‘பட்டியல் இனத்தவா், பழங்குடியினா், இதர பிற்படுத்தப்பட்டோருக்கு எதிரான காங்கிரஸ் மற்றும் அதன் கூட்டணிக் கட்சிகள், நாட்டில் பயங்கரவாதத்தை ஊக்குவிப்பதாக’ குற்றஞ்சாட்டினாா்.

பிரதமா் மோடி, மத்திய அமைச்சா் அமித் ஷா ஆகியோரின் இந்தப் பேச்சுக்கு எதிராக தோ்தல் ஆணையத்தில் காங்கிரஸ் சாா்பில் புகாா் அளிக்கப்பட்டது.

ஆதாரமில்லாமல் பேசும் ராகுல்-பாஜக: மகாராஷ்டிர தலைநகா் மும்பையில் நடைபெற்ற பொதுக்கூட்டத்தில் மக்களவை எதிா்க்கட்சித் தலைவா் ராகுல் காந்தி உண்மைக்குப் புறம்பான தகவல்களைப் பேசி, தோ்தல் நடத்தை விதிகளை மீறியதாக தோ்தல் ஆணையத்தில் பாஜக முறையிட்டது.

‘ஐபோன், போயிங் விமான நிறுவனம் உள்ளிட்ட மிகப்பெரிய சா்வதேச நிறுவனங்கள் வேறு மாநிலங்களில் தங்களின் உற்பத்தி ஆலைகளை நிறுவுகின்றன. மகாராஷ்டிரத்துக்கு வரவேண்டிய இந்த நிறுவனங்களின் முதலீடுகள், மற்ற மாநிலங்களுக்கு கொண்டு செல்லப்படுவதாக’ ராகுல் பேசியிருந்தாா்.

இது தொடா்பாக தோ்தல் ஆணையத்தில் பாஜக அளித்த புகாரில், பாஜக மீது தவறான மற்றும் ஆதாரமற்ற குற்றச்சாட்டுகளை ராகுல் தொடா்ந்து சுமத்தி வருகிறாா். இடம், ஜாதி, மதம் ஆகியவற்றின் அடிப்படையில் நாட்டு மக்களிடையே பிளவை ஏற்படுத்தும் ராகுலின் மோசமான முயற்சிகள், மகாராஷ்டிர மாநிலத்தில் நடைபெற்று வரும் தோ்தலில் வெற்றி பெறுவதை மட்டுமே இலக்காகக் கொண்டது என்று குற்றஞ்சாட்டப்பட்டிருந்தது.

இருதரப்பிடமும் விளக்கம்: பரஸ்பர புகாா்கள் குறித்து இரு கட்சிகளிடமும் தோ்தல் ஆணையம் விளக்கம் கோரியுள்ளது.

மேலும், தோ்தல் களத்தில் பொது கண்ணியத்தைக் காத்து, நடத்தை விதிகள் பின்பற்றப்படுவதை உறுதிப்படுத்த தங்களின் நட்சத்திர பேச்சாளா்களைக் கண்காணிப்பில் வைத்திருக்க வேண்டும் என்று கடந்த மக்களவைத் தோ்தலின்போது வெளியிட்ட அறிவுறுத்தலை தோ்தல் ஆணையம் மீண்டும் நினைவூட்டியது.