திருநெல்வேலி மாநகராட்சி சாா்பில் பசுமை வளாக பாராட்டுச் சான்றுகள் வழங்கப்பட்டன.
திருநெல்வேலி மாநகராட்சி பகுதியில் தாமிரவருணி நதி மற்றும் பாசனக் கால்வாய்களில் ஏற்படும் மாசு தடுப்பது சம்பந்தமாக மாநகராட்சி நிா்வாகம் பல்வேறு நடவடிக்கைகள் மேற்கொண்டு வருகிறது.
அதிக அளவில் கழிவு நீரை வெளியேற்றும் நிறுவனங்களில் இதுவரை 400க்கும் மேற்பட்டவை ஆய்வு செய்யப்பட்டு அவற்றில் 98 பேருக்கு சுத்திகரிப்பு அமைப்பை சரி செய்ய சட்ட அறிவிப்பு வழங்கப்பட்டுள்ளது. மேலும் 6 நிறுவனங்களுக்கு ரூ.60,000 அபராதம் விதிக்கப்பட்டுள்ளது.
ஆய்வின்போது, கழிவுநீரை முறையான சுத்திகரிப்பு அமைப்புகளை நிறுவி சுத்திகரிப்பு செய்து தங்கள் வளாகத்திலேயே மரம், செடி, கொடிகளுக்கு பாய்ச்சியும் குளிா்விப்பான்களுக்கு பயன்படுத்தியும் சுற்றுச்சூழலை பேணும் வணிக கட்டடங்கள் கண்டறியப்பட்டன. அவ்வாறு சுற்றுச்சூழலை பாதுகாத்திடும் வகையில் நதி நீா் மற்றும் வாய்க்கால் போன்ற நீா்நிலைகளில் ஏற்படும் மாசுகளை தடுப்பதில் முன்மாதிரியாக திகழும் நிறுவனங்களுக்கு மாநகராட்சி சாா்பில் பசுமை வளாக பாராட்டுச் சான்றுகள் வழங்கப்பட்டன.
திருநெல்வேலி சந்திப்பு அரவிந்த் கண் மனைக்கு அதன் ஆலோசகா் மருத்துவா் ராமகிருஷ்ணனிடமும், தியாகராஜநகா் புஷ்பலதா மெட்ரிக் மேல்நிலைப் பள்ளிக்கு அதன் தலைமையாசிரியா் ஹரிசன் ஜெபக்குமாரிடமும் பாராட்டுச் சான்றிதழ்களை மாநகராட்சி ஆணையா் மருத்துவா் என்.ஒ.சுகபுத்ரா வழங்கினாா். நிகழ்ச்சியில், செயற்பொறியாளா் கண்ணன், மாநகா் நல அலுவலா் (பொ) அரசகுமாா், உதவி பொறியாளா் லெனின், நிா்வாக அலுவலா் சுப்பிரமணியன், சுகாதார ஆய்வாளா் முருகன் உள்பட பலா் கலந்துகொண்டனா்.
ற்ஸ்ப்15ஹஜ்ஹழ்க்
திருநெல்வேலி சந்திப்பு அரவிந்த் கண் மருத்துவமனைக்கு பசுமை வளாக பாராட்டுச் சான்று வழங்கினாா் மாநகராட்சி ஆணையா் என்.ஓ.சுகபுத்ரா.
ற்ஸ்ப்15ல்ன்ள்ட்
தியாகராஜநகா் புஷ்பலதா கல்விக் குழுமங்களுக்கு பசுமை வளாக பாராட்டுச் சான்று வழங்கினாா் மாநகராட்சி ஆணையா் என்.ஓ.சுகபுத்ரா.
