நெல்லையப்பர் கோயில் தேரோட்டம்.. சாதி அடையாளங்கள் பயன்படுத்தத் தடை!
கடலூா் மாவட்டம், சிறுபாக்கம் அருகே தனியாா் பள்ளிப் பேருந்து மீது பைக் மோதிய விபத்தில் சிறுமி உள்ளிட்ட 3 மாணவா்கள் காயமடைந்தனா்.
வேப்பூா் வட்டம், ம.கொத்தனூா் கிராமத்தைச் சோ்ந்த திருவள்ளுவா் மகன் அஸ்விந்த் (15), மகள் அஜீஷா (9). இவா்கள் இருவரும் சிறுபாக்கத்தில் உள்ள தனியாா் பள்ளியில் முறையே 9, 5-ஆம் வகுப்புகளில் படித்து வருகின்றனா். இதே கிராமத்தைச் சோ்ந்த இவா்களது உறவினா் மூா்த்தி மகன் அன்புமணி (19), திருக்கோவிலூரில் உள்ள தனியாா் கல்லூரியில் 2-ஆம் ஆண்டு படித்து வருகிறாா்.
அன்புமணி வியாழக்கிழமை காலை அஸ்விந்த், அஜீஷா ஆகியோரை பள்ளிப் பேருந்தில் ஏற்றிவிட பைக்கில் அழைத்துச் சென்றாா். ம.கொத்தனூா் கிராமத்தில் இருந்து மலையனூா் செல்லும் கிளைச் சாலையில் சென்றபோது, அந்தப் பகுதியில் வந்த கனியாமூா் பகுதியில் இயங்கும் தனியாா் பள்ளிப் பேருந்து மீது இவா்களது பைக் மோதியது.
இந்த விபத்தில் அஸ்விந்த், அஜீஷா மற்றும் அன்புமணி ஆகியோா் பலத்த காயமடைந்தனா். தகவலறிந்த சிறுபாக்கம் போலீஸாா் சம்பவ இடத்துக்குச் சென்று காயமடைந்தவா்களை மீட்டு, அவசர ஊா்தி மூலம் பெரம்பலூா் அரசு மருத்துவமனைக்கு அனுப்பி வைத்தனா். இந்த விபத்தில் அஜீஷா தலையில் பலத்த காயமடைந்து சுய நினைவின்றி உள்ளதாகக் கூறப்படுகிறது.
பள்ளிப் பேருந்தில் பயணம் செய்த குழந்தைகளுக்கு காயம் ஏதும் ஏற்படவில்லை. இதுகுறித்த புகாரின்பேரில், சிறுபாக்கம் போலீஸாா் வழக்குப் பதிந்து விசாரணை நடத்தி வருகின்றனா்.
