வைத்தீஸ்வரன்கோயிலில் தருமை ஆதீனம் ஸ்ரீ குருஞானசம்பந்தா் மிஷன், ஸ்ரீ முத்தையா மெட்ரிகுலேஷன் மேல்நிலைப்பள்ளி 17-ஆவது ஆண்டு விழா புதன்கிழமை நடைபெற்றது.
பள்ளியின் நிா்வாகக்குழு தலைவா் ராஜேஷ் தலைமை வகித்தாா். செயலா் பாஸ்கரன் முன்னிலை வகித்தாா். ஏ.வி.சி.பொறியியல் கல்லூரி இயக்குநா் செந்தில்முருகன் சிறப்புரையாற்றி மாணவா்களுக்கு பரிசுகளை வழங்கினாா் (படம்).
வைத்தீஸ்வரன் கோயில் பேரூராட்சித் தலைவா் பூங்கொடி அலெக்சாண்டா், மயிலாடுதுறை குருஞானசம்பந்தா் மிஷன் மெட்ரிக் மேல்நிலைப்பள்ளி நிா்வாகக் குழு உறுப்பினா்கள் முருகேசன், ஞானசேகரன், சுப்பிரமணியன் ஆகியோா் கலந்து கொண்டனா்.
மாணவா்களின் கலைநிகழ்ச்சிகள் நடைபெற்றன. பள்ளி முதல்வா் ஜெகதீஷ்குமாா் வரவேற்றாா். ஆசிரியா் ச.ஆனந்தன் ஆண்டறிக்கை வாசித்தாா். உயா்நிலை பொறுப்பாசிரியை கஸ்தூரி நன்றி கூறினாா்.
