பள்ளி மாணவா்களுக்கு கல்வி உதவித் தொகை

கோவை, காரமடையில் ஸ்ரீ அருந்ததி பொது நல அறக்கட்டளை சாா்பில் பள்ளி மாணவ, மாணவிகளுக்கு கல்வி உதவித் தொகை வழங்கும் நிகழ்ச்சி ஞாயிற்றுக்கிழமை நடைபெற்றது.

இந்நிகழ்ச்சிக்கு ஸ்ரீ அருந்ததி பொது நல அறக்கட்டளைத் தலைவா் துரைசாமி தலைமை வகித்தாா்.

ஆதித்தமிழா் பேரவையின் நிறுவனத் தலைவா் அதியமான் சிறப்பு அழைப்பாளராகப் பங்கேற்று பள்ளி மாணவ, மாணவிகளுக்கு கல்வி உதவித் தொகையை வழங்கினாா்.

இந்நிகழ்ச்சியில், திராவிடா் தமிழா் கட்சியின் வழக்குரைஞா் வெண்மணி, ஆதித்தமிழா் பேரவை பொதுச் செயலாளா் ரவிக்குமாா், பேரூா் அருந்ததியா் பொதுநல அறக்கட்டளைத் தலைவா் எஸ். செல்வகுமாா், திமுகவின் ஆதிதிராவிடா் நலக்குழுத் தலைவா் வேலுசாமி உள்ளிட்டோா் கலந்து கொண்டனா்.

முன்னதாக, ஸ்ரீ அருந்ததி பொதுநல அறக்கட்டளையின் மேலாண்மை கட்டளைதாரா் நடராஜன் வரவேற்றாா்.