பழனி அருகே சிறுமிக்கு பாலியல் வன்கொடுமை அளித்த இளைஞா் உள்ளிட்ட இருவருக்கு சிறைத் தண்டனை விதித்து, திண்டுக்கல் நீதிமன்றம் வியாழக்கிழமை தீா்ப்பு அளித்தது.
திண்டுக்கல் மாவட்டம், பழனி பகுதியைச் சோ்ந்தவா் சுந்தரம் (55). கூலித் தொழிலாளியான இவரது உறவினா் தேவா (21). இவா்கள், இருவரும் அருகே உள்ள கிராமத்தில் வசிக்கும் 16 வயது சிறுமியை கடந்த 2 ஆண்டுகளுக்கு முன்பு பாலியல் வன்கொடுமை அளித்ததாக குற்றச்சாட்டு எழுந்தது.
அதன்பேரில் பழனி அனைத்து மகளிா் காவல் நிலைய போலீஸாா் வழக்குப் பதிவு செய்து இருவரையும் கைது செய்தனா்.
இதுதொடா்பான வழக்கு விசாரணை திண்டுக்கல் போக்சோ சிறப்பு நீதிமன்றத்தில் நடைபெற்று வந்தது. விசாரணை முடிவடைந்த நிலையில், நீதிபதி பி.வேல்முருகன் வியாழக்கிழமை தீா்ப்பு அளித்தாா். இதில் பாலியல் குற்றத்தில் ஈடுபட்ட சுந்தரத்துக்கு ஆயுள் சிறைத் தண்டனையும், ரூ.1.01 லட்சம் அபராதமும், தேவாவுக்கு 6 ஆண்டுகள் சிறைத் தண்டனையும், ரூ.60ஆயிரம் அபராதமும் விதித்தாா்.
