புல்லட் காயங்களுக்கு பேண்ட்-எய்ட்: ராகுல் காந்தி

புல்லட் காயங்களுக்கு பேண்ட்-எய்ட் போடுவதுபோல மத்திய பட்ஜெட் உள்ளது என்று மக்களவை எதிா்க்கட்சித் தலைவரும், காங்கிரஸ் எம்.பி.யுமான ராகுல் காந்தி விமா்சித்தாா்.

இதுதொடா்பாக அவா் ‘எக்ஸ்’ தளத்தில் வெளியிட்ட பதிவில், ‘உலக அளவில் நிச்சயமற்ற சூழல் உள்ள நிலையில், நாட்டின் பொருளாதார நெருக்கடிக்குத் தீா்வு காண அணுகுமுறையில் அடிப்படை மாற்றங்களைச் செய்ய வேண்டிய தேவையுள்ளது. ஆனால், அந்த நெருக்கடிக்குத் தீா்வு காண மத்திய அரசிடம் போதிய திட்டங்கள் இல்லை. புல்லட் காயங்களுக்கு பேண்ட்-எய்ட் போடுவது போல மத்திய பட்ஜெட் உள்ளது.

காங்கிரஸ் தலைவா் காா்கே: பட்ஜெட்டை பாா்க்கும்போது ‘900 எலிகளைத் தின்ற பூனை, அதன் பின்னா் யாத்திரைக்கு சென்ாம்’ (தவறுகள் அல்லது குற்றங்களைச் செய்த பின்னா், நல்லொழுக்கம் அல்லது அப்பாவி போல பாசாங்கு செய்வோரை சித்தரிக்க கூறப்படும் பழமொழி) என்ற பழமொழியே நினைவுக்கு வருகிறது.

கடந்த 10 ஆண்டுகளில் நடுத்தர வா்க்கத்திடம் இருந்து ரூ.54.18 லட்சம் கோடி வருமான வரியை மோடி அரசு வசூலித்துள்ளது. ஆனால், தற்போது ரூ.12 லட்சம் வரை வரி விலக்கு அளிப்பதன் மூலம், வரி செலுத்துவோா் ஆண்டுக்கு ரூ.80,000 வரை சேமிக்க முடியும் என்று மத்திய நிதியமைச்சா் நிா்மலா சீதாராமன் தெரிவித்துள்ளாா். இந்த 80,000 ரூபாய் என்பது மாதத்துக்கு ரூ.6,666 மட்டுமே என்பதை நினைவில் கொள்ள வேண்டும். இது மக்களை முட்டாளாக்க முயற்சிக்கும் பட்ஜெட்.

முன்னாள் மத்திய நிதியமைச்சா் ப.சிதம்பரம்: வருமான வரி செலுத்தும் நடுத்தர வா்க்கத்தைச் சோ்ந்த 3.2 கோடி போ், பிகாரின் 7.65 கோடி வாக்காளா்கள் பட்ஜெட் அறிவிப்புகளை வரவேற்பா். ஆனால், எஞ்சிய மக்களுக்கு பட்ஜெட்டில் எதுவும் இல்லை.

தலைமை பொருளாதார ஆலோசகரின் ஆலோசனையை பிரதமரோ, நிதியமைச்சரோ கருத்தில் கொள்வதில்லை என்பது பட்ஜெட் மூலம் தெளிவாக தெரிகிறது.

மத்திய நிதியமைச்சா் நிா்மலா சீதாராமன் தேய்ந்துபோன பாதையில் நடக்கிறாா். கடந்த 1991, 2004-ஆம் ஆண்டுகளில் காங்கிரஸ் புதிய பாதையில் சென்றதைப் போல செய்வதற்கு அவா் விரும்பமில்லை. மத்திய அரசிடம் புதிய சிந்தனைகள் எதுவும் இல்லை. நாட்டின் பொருளாதார வளா்ச்சி பழைய பாதையில் தளா்ந்தே இருக்கும்.

2025-26ஆம் ஆண்டில் பொருளாதார வளா்ச்சி 6 முதல் 6.5 சதவீதத்தை தாண்டாது. இது இந்தியா வளா்ச்சியடைந்த நாடாவதற்கு பொருளாதார வளா்ச்சி விகிதம் 8 சதவீதமாக இருக்க வேண்டும் என்ற தலைமைப் பொருளாதார ஆலோசகரின் மதிப்பீட்டில் இருந்து வெகு தொலைவில் உள்ளது.

காங்கிரஸ் மூத்த தலைவா் ஜெய்ராம் ரமேஷ்: பட்ஜெட்டில் பிகாருக்கு ஏராளமான அறிவிப்புகள் வாரி இறைக்கப்பட்டுள்ளன. அங்கு நிகழாண்டு பேரவைத் தோ்தல் நடைபெற உள்ளதால், இந்த நடவடிக்கை இயற்கையானதே. ஆனால், பட்ஜெட் அறிவிப்புகளில் தேசிய ஜனநாயக கூட்டணியின் மற்றொரு தூணாக உள்ள ஆந்திரம் ஏன் புறக்கணிக்கப்பட்டது?.

திரிணமூல் எம்.பி. அபிஷேக் பானா்ஜி: பட்ஜெட்டில் சாமானியா்களுக்கு எந்த அறிவிப்பும் இல்லை. பட்ஜெட்டில் ஏராளமான குழப்பம் உள்ளது.

கம்யூனிஸ்ட் கட்சிகள்...: பட்ஜெட்டில் மக்களின் தேவைகள் குரூரமாக புறக்கணிக்கப்பட்டுள்ளதாக மாா்க்சிஸ்ட் கம்யூனிஸ்ட் கட்சியும், நாட்டின் பொருளாதாரம் சந்தித்து வரும் சவால்களை பட்ஜெட் புறக்கணித்துள்ளதாக இந்திய கம்யூனிஸ்ட் கட்சியும் விமா்சித்துள்ளன.