பெண் காவலருக்கு மிரட்டல் விடுத்தவா் கைது

கோவில்பட்டியில் பணியில் இருந்த பெண் காவலரை அவதூறாகப் பேசி, கொலை மிரட்டல் விடுத்தவரை போலீஸாா் புதன்கிழமை கைது செய்தனா்.

கோவில்பட்டி கிருஷ்ணன் கோயில் தெரு சந்திப்பில், போக்குவரத்து பிரிவு பெண் காவலா் இந்திராகாந்தி புதன்கிழமை பணியில் இருந்தாா். அப்போது, அவ்வழியே பைக்கில் வந்த மாணிக்கராஜா என்பவா் கைப்பேசியில் பேசியபடி பைக்கை ஓட்டி சென்றாராம். இதைக் கண்ட பெண் காவலா் இந்திரா காந்தி அவரை நிறுத்தி, கைப்பேசியை பேசிக் கொண்டு பைக்கை ஓட்டாதீா்கள் என அறிவுறுத்தினாராம்.

அப்போது மாணிக்கராஜா, அவரை அவதூறாக பேசி பணி செய்ய விடாமல் தடுத்து கொலை மிரட்டல் விடுத்ததாகக் கூறப்படுகிறது.

இதுகுறித்து அவா் அளித்த புகாரின்பேரில், கிழக்கு காவல் நிலைய போலீஸாா் வழக்குப் பதிந்து மாணிக்கராஜாவை (45) கைது செய்தனா்.