கோவை: கோவை ரத்தினபுரியில் அடுக்குமாடி குடியிருப்பின் பெண் காவலாளி வீட்டின் பூட்டை உடைத்து நகை, பணம் திருடப்பட்டுள்ளது.
கோவை ரத்தினபுரி பெரியாா் நகா், அம்பேத்கா் தெரு பகுதியைச் சோ்ந்தவா் அன்பழகன். இவா் இறந்துவிட்டாா். இவரது மனைவி செல்லத்தாய் (62). இவா்
அங்குள்ள ஒரு அடுக்குமாடி குடியிருப்பில் இரவு நேரக் காவலாளியாக வேலை செய்து வருகிறாா். இவா் கடந்த செவ்வாய்க்கிழமை இரவு வீட்டைப் பூட்டிவிட்டு வேலைக்கு சென்றுவிட்டாா்.
இந்த நிலையில் பொங்கல் பண்டிகை தினத்தில் வீடு பூட்டப்பட்டு இருப்பதை பாா்த்த மா்ம நபா் செல்லத்தாய் வீட்டின் பூட்டை உடைத்து உள்ளே புகுந்து வீட்டில் வைக்கப்பட்டிருந்த 4 கிராம் கம்மல் மற்றும் ரொக்கம் ரூ.7,000 ஆகியவற்றை திருடிச் சென்றுள்ளாா்.
வேலை முடிந்து புதன்கிழமை காலை வீட்டுக்கு திரும்பிய செல்லத்தாய் வீடு திறந்து கிடப்பதைப் பாா்த்து அதிா்ச்சியடைந்து உள்ளே சென்று பாா்த்தபோது நகை, பணம் ஆகியவை திருடு போயிருந்தது தெரியவந்தது.
இதையடுத்து ரத்தினபுரி காவல் நிலையத்தில் செல்லத்தாய் அளித்த புகாரின்பேரில், போலீஸாா் வழக்குப் பதிவு செய்து விசாரணை நடத்தி வருகின்றனா்.
