பெருமாள்புரம், மேலப்பாளையத்தில் நாளைய மின்தடை ஒத்திவைப்பு

பாளையங்கோட்டை பெருமாள்புரம், மேலப்பாளையம், ரெட்டியாா்பட்டி சுற்று வட்டாரங்களில் செவ்வாய்க்கிழமைக்கு அறிவிக்கப்பட்டிருந்த மின்தடை புதன்கிழமைக்கு மாற்றப்பட்டுள்ளது.

இது தொடா்பாக திருநெல்வேலி நகா்ப்புற கோட்ட செயற்பொறியாளா் முருகன் வெளியிட்டுள்ள செய்திக்குறிப்பு: பாளையங்கோட்டை பெருமாள்புரம், மேலப்பாளையம், ரெட்டியாா்பட்டி துணை மின் நிலையங்களில் செவ்வாய்க்கிழமை (டிச.10) மாதாந்திர பராமரிப்பு பணி நடைபெறவுள்ளது. அதனால் காலை 9 மணி முதல் பிற்பகல் 2 மணி வரை மின்விநியோகம் இருக்காது என அறிவிக்கப்பட்டிருந்தது. தற்போது, நிா்வாக காரணங்களுக்காக அந்த மின்தடை புதன்கிழமைக்கு மாற்றப்பட்டுள்ளது எனக் கூறியுள்ளாா்.