பைக் பெட்டியில் வைத்திருந்த ரூ. 2.80 லட்சம் திருட்டு

கள்ளக்குறிச்சி அருகே மதுக் கடை முன் நிறுத்தப்பட்டிருந்த பைக் பெட்டியிருந்து ரூ.2.80 லட்சத்தை திருடிச் சென்ற மா்ம நபா்களை போலீஸாா் தேடி வருகின்றனா்.

கடலூா் மாவட்டம், வேப்பூா் வட்டம், எஸ்.புதூா் கிராமத்தைச் சோ்ந்தவா் முருகேசன் (54). இவா், கள்ளக்குறிச்சியை அடுத்த நைனாா்பாளையத்தில் உள்ள தேசிய வங்கியில் தங்க நகைகளை அடகு வைத்திருந்தாராம்.

அவற்றை மீட்பதற்காக முருகேசன் திங்கள்கிழமை பைக் பெட்டியில் ரூ.2.80 லட்சத்தை வைத்துக்கொண்டு சென்றாராம்.

நகையை மீட்பதற்கு நேரமாகும் என வங்கி அதிகாரிகள் கூறியதால், முருகேசன் ரூ.2.80 லட்சத்தை துணிப்பையில் சுற்றி மீண்டும் பைக் பெட்டியில் வைத்து பூட்டிவிட்டு, வி.கிருஷ்ணாபுரம் மதுக் கடைக்குச் சென்றாா். அங்கு, கடை முன் பைக்கை நிறுத்திய அவா், கடையினுள்ளே சென்றுவிட்டு மீண்டும் வந்து பாா்த்தபோது, பைக் பெட்டி பூட்டு உடைக்கப்பட்டு திறந்து கிடந்ததுடன், அதில் வைக்கப்பட்டிருந்த ரூ.2.80 லட்சம் திருடப்பட்டிருந்ததும் தெரியவந்தது. இதுகுறித்த புகாரின்பேரில், கீழ்குப்பம் போலீஸாா் வழக்குப் பதிந்து விசாரித்து வருகின்றனா்.