போதைப் பொருள்கள் விற்ற 6 போ் கைது: 63 கிலோ குட்கா பறிமுதல்

கன்னியாகுமரி மாவட்டம், தோவாளை, பூதப்பாண்டி பகுதிகளில் போதைப் பொருள்கள் விற்ாக 6 போ் திங்கள்கிழமை கைது செய்யப்பட்டனா். அவா்களிடமிருந்து 63 கிலோ குட்கா பறிமுதல் செய்யப்பட்டது.

பூதப்பாண்டி காவல் நிலைய எல்லைக்குள்பட்ட பகுதியில் கஞ்சா விற்பனைக்கு வைத்திருப்பதாக போலீஸாருக்கு கிடைத்த தகவலின் அடிப்படையில் சோதனை மேற்கொண்டதில் கேசவன்புதூா் பகுதியைச் சோ்ந்த சாம் மகன் சகின்(29), அழகியபாண்டிபுரம் விக்டா் வேதசிங் மகன் பெனிட் எடிசன்(23), பீட்டா் மகன் இஸ்ரவேல்(21), ஆஸ்மண்ட் மகன் மனீஷ்(21) ஆகியோரிடமிருந்து 250 கிராம் கஞ்சா பறிமுதல் செய்து, அவா்கள் 4 பேரையும் பூதப்பாண்டி போலீஸாா் கைது செய்தனா்.

தோவாளை பகுதியில் உள்ள கிட்டங்கியில் விற்பனைக்காக குட்கா வைத்திருப்பதாக ஆரல்வாய்மொழி போலீஸாருக்கு கிடைத்த தகவலின் அடிப்படையில் சோதனை மேற்கொண்டதில் தேவசகாயம் மவுண்ட் பகுதியைச் சோ்ந்த அந்தோணி முத்து ஜாா்ஜ் மகன் சகாய அன்டோனியோ லிபின்(35), காட்டுப்புதுா் பகுதியைச் சோ்ந்த ஜேக்கப் மகன் தனேஷ்காந்தி (35), ஆகியோரிடமிருந்து 63 கிலோ குட்கா பறிமுதல் செய்யப்பட்டது. அவா்கள் 2 பேரும் கைது செய்யப்பட்டனா்.