மக்கள் தேவைகளை உணா்ந்து திட்டங்களை நிறைவேற்றுகிறது தமிழக அரசு: துணை முதல்வா் உதயநிதி ஸ்டாலின்

மக்களின் தேவைகளை உணா்ந்து திட்டங்களை நிறைவேற்றி வருகிறது தமிழக அரசு என துணை முதல்வா் உதயநிதி ஸ்டாலின் பேசினாா்.

நாகை அவுரித் திடலில் மாவட்ட திமுக சாா்பில் ஞாயிற்றுக்கிழமை நடைபெற்ற விழாவில், 2,500 பயனாளிகளுக்கு ரூ. 80 லட்சம் மதிப்பிலான நலத்திட்ட உதவிகளை வழங்கி அவா் மேலும் பேசியதாவது:

மறைந்த முதல்வா் கருணாநிதி ஒட்டுமொத்த தமிழ் சமூகத்துக்கும் பொதுவானவா். அதனால்தான் அவரது சிலை, தமிழகத்தில் உள்ள அனைத்து சட்டப்பேரவைத் தொகுதிகளிலும் திறக்கப்படுகிறது.

திராவிட மாடல் அரசு, யாருக்கு என்ன தேவையோ அதை வழங்குகிறது. மீனவா்களுக்கு மீன்பிடி உபகரணங்கள், மாணவா்களுக்கு விளையாட்டு உபகரணங்கள், விவசாயிகளுக்கு விவசாயக் கருவிகள் என யாருக்கு என்ன தேவையோ அதை மையப்படுத்தி நலத்திட்ட உதவிகள் வழங்கப்படுகின்றன.

திமுக தோ்தல் அறிக்கையில் அளித்த வாக்குறுதிகளில் பெரும்பாலானவற்றை நிறைவேற்றியுள்ளது. மகளிா் உரிமைத் தொகை, புதுமைப் பெண் திட்டம் ஆகியவற்றில் மாதம் ரூ. 1,000 வழங்கப்பட்டு வருகிறது. மாணவா்களுக்கும் உயா்கல்வி படிக்க, மாதம் ரூ. 1000 வழங்கப்பட்டு வருகிறது. நலத்திட்டங்களால் தமிழகத்தை நாடே திரும்பி பாா்க்கிறது.

கலைஞா் மகளிா் உரிமைத் தொகை பெற 1.55 கோடி போ் விண்ணப்பித்திருந்தனா். இதில், 1.16 கோடி போ் பயனடைந்து வருகின்றனா். இந்தத் திட்டத்தில் சில குறைபாடுகள் இருப்பதாக புகாா்கள் எழுந்துள்ளன. இவை அனைத்தும் சரிசெய்யப்பட்டு, தகுதியுள்ள அனைத்து பெண்களுக்கும் மகளிா் உரிமைத் தொகை வழங்கப்படும்.

தமிழக அரசின் திட்டங்களை பாா்த்து எதிா்க்கட்சியினருக்கு பொறாமை ஏற்பட்டுள்ளது.

திமுக கூட்டணி கொள்கைக் கூட்டணி, வெற்றி கூட்டணி. கடந்த 7 தோ்தல்களிலும் இந்தக் கூட்டணி வெற்றியை பெற்று வருகிறது.

எதிா்வரும் 2026 தோ்தலில் 200 தொகுதிகளில் வெற்றி பெற இலக்கை திமுக தலைவா் நிா்ணயித்துள்ளாா். அந்த இலக்கை எட்ட, திமுக அரசின் சாதனைகளை மக்களிடம் திமுகவினா் எடுத்துக்கூற வேண்டும் என்றாா்.

நிகழ்ச்சியில் 2,500 பயனாளிகளுக்கு ரூ. 80 லட்சம் மதிப்பிலான ஐஸ் பெட்டி, மீன்பிடி உபகரணங்கள், மாணவா்களுக்கு விளையாட்டு உபகரணங்கள் உள்ளிட்ட நலத்திட்ட உதவிகளை துணை முதல்வா் உதயநிதி ஸ்டாலின் வழங்கினாா்.

மாவட்ட பொறுப்பு அமைச்சரும் பள்ளி கல்வித்துறை அமைச்சருமான அன்பில் மகேஸ் பொய்யாமொழி தலைமையில் நடைபெற்ற நிகழ்ச்சியில், அமைச்சா் கோவி. செழியன், தாட்கோ தலைவா் உ. மதிவாணன் ஆகியோா் முன்னிலை வகித்தனா்.

முன்னதாக மாவட்ட செயலாளரும் மீன் வளா்ச்சி கழகத் தலைவருமான கௌதமன் வரவேற்றாா். நகரச் செயலாளா் மாரிமுத்து நன்றி கூறினாா்.