மத்திய அமைச்சா் கிஷண் ரெட்டி வீட்டில் சங்கராந்தி கொண்டாட்டம்: பிரதமா் பங்கேற்பு

மத்திய நிலக்கரி மற்றும் சுரங்கத் துறை அமைச்சரும் தெலங்கானா பாஜக தலைவருமான ஜி.கிஷண் ரெட்டி வீட்டில் நடைபெற்ற சங்கராந்தி கொண்டாட்டத்தில் பிரதமா் நரேந்திர மோடி பங்கேற்றாா்.

அறுவடை திருவிழாவான மகர சங்கராந்தி செவ்வாய்க்கிழமை (ஜன. 14) விமா்சையாக கொண்டாடப்பட இருக்கிறது. இதையொட்டி, புது தில்லியில் உள்ள மத்திய அமைச்சா் கிஷண் ரெட்டி வீட்டில் திங்கள்கிழமை நடைபெற்ற கொண்டாட்டத்தில் பிரதமா் மோடி கலந்து கொண்டாா்.

மக்களவைத் தலைவா் ஓம் பிா்லா, மத்திய அமைச்சா்கள், நடிகா் சிரஞ்சீவி, பேட்மின்டன் வீராங்கனை பி.வி.சிந்து உள்ளிட்டோரும் நிகழ்ச்சியில் கலந்து கொண்டனா்.

மத்திய அமைச்சா்களின் வீடுகளில் நடைபெறும் பல்வேறு பண்டிகைகளின் கொண்டாட்டங்களில் பிரதமா் மோடி நேரில் பங்கேற்று வாழ்த்து தெரிவிப்பதை வாடிக்கையாகக் கொண்டுள்ளாா். கடந்த ஆண்டுகளில், மத்திய இணையமைச்சா் எல்.முருகனின் தில்லி வீட்டில் நடைபெற்ற பொங்கல் கொண்டாட்டத்தில் பிரதமா் பங்கேற்றுள்ளது குறிப்பிடத்தக்கது.