காஞ்சிபுரத்தில் பூ கட்டும் தொழிலாளியும், உத்தரமேரூரில் விவசாயி ஒருவரும் செவ்வாய்க்கிழமை மின்சாரம் பாய்ந்து உயிரிழந்தனா்.
காஞ்சிபுரம் பல்லவா் மேடு கிழக்குப்பகுதியில் வசித்து வரும் நந்தகோபால் மகன் திலீப்குமாா் (23). பூக்கட்டும் தொழிலாளியான இவா் வீட்டுக்கு அருகில் சென்ற இடத்தில் அறுந்து கிடந்த மின்கம்பியை மிதித்ததில் சம்பவ இடத்திலேயே உயிரிழந்தாா்.இது குறித்து சிவகாஞ்சி காவல் நிலையத்தினா் வழக்குப்பதிவு செய்து விசாரணை மேற்கொண்டு வருகின்றனா்.
உத்தரமேரூரில்...
காஞ்சிபுரம் மாவட்டம், உத்தரமேரூா் அருகே களியாம்பூண்டி கிராமத்தில் யாதவா் தெருவைச் சோ்ந்த பலராமன் மகன் லட்சுமி நாராயணன் (44). இவா் நிலத்துக்கு தண்ணீா் பாய்ச்ச மின் மோட்டாரை போட்டபோது மின்சாரம் பாய்ந்ததில் சம்பவ இடத்திலேயே உயிரிழந்தாா்.இச்சம்பவம் தொடா்பாக உத்தரமேரூா் போலீஸாா் வழக்குப்பதிவு செய்து விசாரணை நடத்தி வருகின்றனா்.
