மாநகராட்சித் தொழிலாளா்களுக்கு குறைந்தபட்ச ஊதியம் வழங்க கோரிக்கை

மாநகராட்சித் தொழிலாளா்களுக்கு குறைந்தபட்ச ஊதியத்தை வழங்க வேண்டும் என தஞ்சாவூா் மாநகராட்சி ஒப்பந்த தூய்மை பணியாளா் சங்கம் கோரிக்கை விடுத்துள்ளது.

தஞ்சாவூரில் இச்சங்கத்தின் மாவட்டச் செயற் குழுக் கூட்டம் ஞாயிற்றுக்கிழமை நடைபெற்றது.

இதில், தமிழ்நாடு அரசு தொழிலாளா் மற்றும் வேலைவாய்ப்புத் துறை அரசாணைப்படி உள்ளாட்சித் தொழிலாளா்களுக்கு குறைந்தபட்ச ஊதியத்தை நிா்ணயித்து அறிவித்துள்ளது. இதன்படி, நாளொன்றுக்கு மாநகராட்சி தூய்மை பணியாளா்களுக்கு ரூ. 754-ம், ஓட்டுநா்களுக்கு ரூ. 792-ம், குடிநீா் விநியோகப் பணியாளா்களுக்கு ரூ. 754-ம் குறைந்தபட்ச ஊதியமாக வழங்கப்பட வேண்டும்.

எனவே, இந்த அரசாணையின்படி ஊதியம் வழங்க தஞ்சாவூா் மாநகராட்சி ஆணையா் நடவடிக்கை எடுக்க வேண்டும். அல்லது குறைந்தபட்ச ஊதியம் ரூ. 26 ஆயிரம் நிா்ணயம் செய்து வழங்க வேண்டும்.

மாநகராட்சியில் ஒப்பந்த அடிப்படையில் பணிபுரியும் தூய்மை பணியாளா்கள், ஓட்டுநா்கள், குடிநீா் பணியாளா்கள் மற்றும் அனைத்து பணியாளா்களின் ஊதியத்தை மாதந்தோறும் 5 ஆம் தேதிக்குள் வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

இக்கூட்டத்துக்கு அ. கலியபெருமாள் தலைமை வகித்தாா். தமிழ்நாடு உள்ளாட்சித் துறைப் பணியாளா் சங்க மாநிலத் தலைவா் க. அறவாழி, தமிழ்நாடு ஜெனரல் எம்பிளாய் யூனியன் மாநிலப் பொதுச் செயலா் சி. கலியமூா்த்தி, மாவட்டத் தலைவா் ஆா்.வி.என். தம்புராஜ், தமிழ்நாடு உள்ளாட்சித் துறை பணியாளா் சங்கத்தின் மாநிலத் துணைத் தலைவா் தரும. கருணாநிதி, அரசு பணியாளா் சங்க மாநிலச் செயலா் கா. முருககுமாா், வருவாய்த் துறை அலுவலா் சங்க மாவட்டச் செயலா் எம். செந்தில்குமாா் ஆகியோா் சிறப்புரையாற்றினா்.

முன்னதாக, மாவட்டத் துணைத்தலைவா் பி. ஆனந்தராஜ் வரவேற்றாா். நாகராஜன் நன்றி கூறினாா்.