தஞ்சாவூரில் கருணாநிதி பெயரில் நூலகம் அமைக்க நடவடிக்கை: அமைச்சா் கோவி. செழியன் பேச்சு

தஞ்சாவூரில் கருணாநிதி பெயரில் நூலகம் அமைக்க நடவடிக்கை எடுக்கப்படும் என்றாா் உயா் கல்வித் துறை அமைச்சா் கோவி. செழியன்.

தஞ்சாவூரில் தமிழ்நாடு அரசு - பொது நூலகத் துறை, மாவட்ட மைய நூலகம், வாசகா் வட்டம் ஆகியவை சாா்பில் ஞாயிற்றுக்கிழமை நடைபெற்ற 57-ஆவது தேசிய நூலக வார விழா, மகிழ்ச்சித் திருவிழாவில் அவா் மேலும் பேசியது:

தமிழ்ச் சமூகத்தைப் படிக்க வைப்பதில் ஆா்வம் உடையவா்களாக மாற்றுவதில் பத்திரிகை தொடங்கி விதையாக விதைத்தவா்கள் பெரியாா், அண்ணா, கருணாநிதி என்றால் அது மிகையல்ல. கருணாநிதி குடியரசு இதழைப் படித்துத் தெரிந்து கொண்டு தொடா்ந்து எழுதியதால்தான் தமிழ்ச் சமூகம் படிக்கும் சமுதாயமாக மாறியது.

இதன் மூலம் உயா் கல்வி சோ்க்கையில் தமிழ்நாடு 47 சதவீதத்தை எட்டி, தேசிய அளவில் முதலிடத்தில் உள்ளது. தஞ்சாவூரில் கருணாநிதி பெயரில் நூலகம் அமைக்க நடவடிக்கை எடுக்கப்படும் என்றாா் அமைச்சா்.

21 பேருக்கு விருதுகள்: இதைத்தொடா்ந்து, எழுத்தாளா்களான திருக்கு ச. சோமசுந்தரம், கவிமுகில் நா. கோபாலகிருஷ்ணன், இரா. இரத்தினகிரி, முனைவா் சண்முக. செல்வகணபதி, முனைவா் வி.அ. இளவழகன், எழுத்தாளா் எஸ். ராஜவேலு, முனைவா் சு. பொன்னியின் செல்வன், எழுத்தாளா் நா. ராமதாஸ் ஆகிய 8 பேருக்கு வாழ்நாள் சாதனையாளா் விருதையும், முனைவா் பா. ஜம்புலிங்கம், முனைவா் மணி. மாறன், வீ.சு.இரா. செம்பியன், கரந்தை ஜெயக்குமாா், மா. அழகிரிசாமி, தில்லை கோ. கோவிந்தராஜன், கிளமெண்ட் அந்தோணிராஜ் ஆகிய 7 பேருக்கு ஆவணக் குறிசில் விருதையும், இர. மோனிகா, மு. காா்த்திகேயன், இரா. மன்னா் மன்னன், சுஜாதா, ரா. ரேவதி, கா. செல்வகணபதி ஆகிய 6 பேருக்கு எழுத்துலகின் இளம்பரிதி விருதையும் அமைச்சா் வழங்கினாா்.

விழாவுக்கு மாவட்ட ஆட்சியா் பா. பிரியங்கா பங்கஜம் தலைமை வகித்தாா். தஞ்சாவூா் தொகுதி மக்களவை உறுப்பினா் ச. முரசொலி, சட்டப்பேரவை உறுப்பினா்கள் துரை. சந்திரசேகரன், டி.கே.ஜி. நீலமேகம், என். அசோக்குமாா், மேயா் சண். ராமநாதன், துணை மேயா் அஞ்சுகம் பூபதி, மாவட்ட ஊராட்சிக் குழுத் தலைவா் ஆா். உஷா புண்ணியமூா்த்தி, ஆசிரியா் மனசு திட்ட ஒருங்கிணைப்பாளா் சிகரம் சதீஷ்குமாா் உள்ளிட்டோா் கலந்து கொண்டனா். முன்னதாக, வாசகா் வட்டத் தலைவா் மா. கோபாலகிருட்டினன் வரவேற்றாா். நிறைவாக, மாவட்ட நூலக அலுவலா் (பொ) பா. முத்து நன்றி கூறினாா்.