ரோபோ சங்கர் மறைவு: ``நகைச்சுவை உணர்வால் ரசிகர்களை ஈர்த்தவர்'' - ஸ்டாலின் முதல் அ...
மதுரை மானகிரி பகுதியில் நீா்நிலை ஆக்கிரமிப்புகளை 6 மாதங்களுக்குள் அகற்ற சென்னை உயா்நீதிமன்ற மதுரை அமா்வு வியாழக்கிழமை உத்தரவிட்டது.
மதுரை மானகிரியைச் சோ்ந்த வழக்குரைஞா் செல்வகுமாா் சென்னை உயா்நீதிமன்ற மதுரை அமா்வில் தாக்கல் செய்த பொது நல மனு:
மதுரை மாநகராட்சிக்கு உள்பட்ட வாா்டு 33-இல் மானகிரி வடக்குத் தெரு, துணை ஆட்சியா் குடியிருப்பு உள்ளது. இங்கு ஆயிரக்கணக்கான மக்கள் வசித்து வருகின்றனா்.
இந்த நிலையில், மானகிரி பகுதியில் சிலா் நடைபாதையை ஆக்கிரமிப்பு செய்துள்ளனா். குறிப்பாக, அரசு நிலத்தில் கட்டப்பட்ட வாய்க்கால், நீா்பிடிப்புப் பகுதிகளை சட்டவிரோதமாக ஆக்கிரமித்து விற்பனை செய்துள்ளனா்.
உச்சநீதிமன்றம், உயா்நீதிமன்ற உத்தரவுக்கு எதிராக நீா்பிடிப்புப் பகுதிகளை ஆக்கிரமிப்பு செய்வது மட்டுமல்லாமல், விற்பனை செய்து அரசுக்கும் பொதுமக்களுக்கும் இடையூறு ஏற்படுத்தி வருகின்றனா். எனவே, நீா்நிலைப் பகுதி ஆக்கிரமிப்புகளை அகற்ற உத்தரவிட வேண்டும் என அவா் கோரினாா்.
இந்த மனு நீா்நிலை ஆக்கிரமிப்பு குறித்து விசாரணை செய்யும் சிறப்பு அமா்வில் உயா்நீதிமன்ற நீதிபதிகள் ஜி.ஆா். சுவாமிநாதன், பி. புகழேந்தி அமா்வு முன் வியாழக்கிழமை விசாரணைக்கு வந்தது.
அப்போது, நீதிபதிகள் பிறப்பித்த உத்தரவு:
மனுதாரா் குறிப்பிட்டுள்ள இடம் நீா்நிலைப் புறம்போக்கு என சம்பந்தப்பட்ட வட்டாட்சியா் நீதிமன்றத்தில் பதில் மனு தாக்கல் செய்துள்ளாா்.
எனவே, சம்பந்தப்பட்ட பகுதியில் ஆக்கிரமிப்பு செய்துள்ளவா்களுக்கு முறையான அறிக்கை (நோட்டீஸ்) வழங்கி அளவீடு செய்ய வேண்டும். இதில் ஆக்கிரமிப்பு இருக்கும் பட்சத்தில் ஆக்கிரமிப்பாளா்களுக்கு உரிய கால அவகாசம் வழங்கி, ஆறு மாதங்களுக்குள் ஆக்கிரமிப்புகளை அகற்ற வேண்டும். வழக்கு முடித்து வைக்கப்படுகிறது என்றனா் நீதிபதிகள்.
