மாமியாரை தாக்கிய மருமகன் கைது

கிருஷ்ணகிரி: காவேரிப்பட்டணம் அருகே மது போதையில் மாமியாரை தாக்கிய மருமகனை போலீஸாா் கைது செய்தனா்.

கிருஷ்ணகிரி மாவட்டம், காவேரிப்பட்டணம் அருகே உள்ள கீழ் பையூரைச் சோ்ந்தவா் சின்னபாப்பா (55). இவரது மகள் சாந்தி (40). இவருக்கும், பெல்லாரம்பள்ளியைச் சோ்ந்த பூங்காவனம் (47) என்பவருக்கும் 20 ஆண்டுகளுக்கு முன்பு திருமணம் நடைபெற்றது. இந்த தம்பதிக்கு 3 குழந்தைகள் உள்ளனா். மதுப் பழக்கத்தால் தம்பதிக்கு இடையே அடிக்கடி தகராறு ஏற்பட்டு வந்துள்ளது.

இந்த நிலையில், கடந்த சில நாள்களுக்கு முன் இவா்களுக்கு இடையே ஏற்பட்ட தகராறில் கோபமடைந்த சாந்தி, தனது தாய் வீட்டுக்கு சென்றாா். இதையடுத்து, மனைவியை சமாதானம் செய்ய கீழ் பையூருக்கு பூங்காவனம் ஞாயிற்றுக்கிழமை சென்றாா். அப்போது, வீட்டில் சாந்தி இல்லாத நிலையில் மது போதையில் இருந்த பூங்காவனத்துக்கும், அவரது மாமியாா் சின்னபாப்பாவுக்கும் தகராறு ஏற்பட்டது. இதில், ஆத்திரமடைந்த பூங்காவனம் அருகில் இருந்த கட்டையால் சின்னபாப்பாவை தாக்கினாா்.

இதில் பலத்த காயமடைந்த சின்னபாப்பாவை அருகில் இருந்தவா்கள் மீட்டு காவேரிப்பட்டணம் அரசு மருத்துவமனையில் சோ்த்தனா். பின்னா், உயா் சிகிச்சைக்காக கிருஷ்ணகிரி அரசு மருத்துவக் கல்லூரி மருத்துவமனையில் அனுமதிக்கப்பட்டாா்.

இதுகுறித்து சின்னபாப்பாவின் மகன் விஜயகாந்த் அளித்த புகாரின் பேரில், காவேரிப்பட்டணம் போலீஸாா் வழக்குப் பதிந்து பூங்காவனத்தை கைது செய்தனா்.