மின்சாரம் பாய்ந்து கோயில் காளை உயிரிழப்பு

கிருஷ்ணகிரி மாவட்டம், ஊத்தங்கரையை அடுத்த திருவனப்பட்டி கிராமப் பகுதியில் மின்சாரம் பாய்ந்து கோயில் காளை சனிக்கிழமை உயிரிழந்தது.

திருவனப்பட்டி அருகே உள்ள சின்ன காமாட்சிபட்டி பகுதியைச் சோ்ந்த வேலுமணி என்பவரது விவசாய நிலத்தில் மரம் முறிந்து மின்சார கம்பி மீது விழுந்தது.

மரத்தின் மீது மின்சாரம் பாய்ந்திருந்த நிலையில் அவ்வழியாகச் சென்ற திருமணப்பட்டி பகுதியைச் சோ்ந்த கோயில் காளை மரத்தின் மீது உரசியதில், காளைமாடு சம்பவ இடத்திலேயே உயிரிழந்தது.