சென்னை காசிமேட்டில் மீனவா் அடித்துக் கொலை செய்யப்பட்ட வழக்கில், இளைஞா் கைது செய்யப்பட்டாா்.
புது வண்ணாரப்பேட்டை, பூண்டி தங்கம்மாள் தெருவைச் சோ்ந்தவா் முருகன் (54). மீனவரான இவா், கடந்த 7-ஆம் தேதி காசிமேடு, பழைய வாா்ப்பு பகுதியிலுள்ள சாக்லேட் நிறுவனத்தின் பின்புறம் உள்ள பகுதியில் மா்மமான முறையில் இறந்து கிடந்தாா்.
இதுகுறித்து காசிமேடு மீன்பிடித் துறைமுக போலீஸாா் வழக்குப் பதிந்து நடத்திய விசாரணையில், முருகன் வீட்டினருகில் வசிக்கும் ரஞ்சித் (35) என்பவா் இறந்துபோன முருகனிடம் ரூ. 8 ஆயிரம் கொடுத்து, ஆந்திரத்திலிருந்து போதைப் பொருள்களை வாங்கி வரும்படி தெரிவித்துள்ளாா்.
பணத்தை பெற்றுக்கொண்ட முருகன் பொருளை வாங்கிக் கொடுக்கவில்லை; பணத்தையும் திரும்பக் கொடுக்கவில்லை. சம்பவத்தன்று இது தொடா்பாக இருவருக்கும் இடையே வாக்குவாதம் ஏற்பட்டது. இதில், ஆத்திரமடைந்த ரஞ்சித், முருகனை கையால் தாக்கி கீழே தள்ளினாா். இதில், தலைப் பகுதியில் பலத்த காயமடைந்த முருகன், அங்கு சிறிது நேரத்தில் உயிரிழந்தாா். இது தொடா்பாக மீன்பிடித் துறைமுக போலீஸாா் வழக்குப் பதிந்து, ரஞ்சித்தை செவ்வாய்க்கிழமை கைது செய்தனா்.
