முதுமலை புலிகள் காப்பக யானைகளுக்கு எடை பரிசோதனை

முதுமலை புலிகள் காப்பகத்தில் உள்ள வளா்ப்பு யானைகளுக்கு திங்கள்கிழமை எடை பரிசோதனை செய்யப்பட்டது.

நீலகிரி மாவட்டம், முதுமலை புலிகள் காப்பக முகாம்களில் வளா்க்கப்படும் யானைகளுக்கு தொரப்பள்ளியில் உள்ள எடை மேடையில் கால்நடை மருத்துவக் குழுவினா் சாா்பில் எடை பரிசோதனை செய்யப்பட்டது.

இதன் மூலம் யானைகளின் உடல்நலம் பராமரிக்கப்படும். மேலும் எடை குறைவாக உள்ள யானைகளுக்கு தனிக்கவனம் செலுத்தப்படும்.

முகாம்களில் உள்ள 29 வளா்ப்பு யானைகளில் மஸ்து காணப்பட்ட ஆறு யானைகள் தவிர பிற யானைகளுக்கு எடை பரிசோதனை செய்யப்பட்டது என்று வனத் துறையினா் தெரிவித்தனா்.