விருதுநகர்: அதிமுக பொதுக்கூட்டம்; மேடையில் கட்சித் தொண்டரைத் தாக்கிய முன்னாள் அம...
தக்கலை அருகே முளகுமூடு கல்லுவிளை பகுதியில் ஏடிஎம் மையத்தின் கண்ணாடிக் கதவுகள் சேதமானது தொடா்பாக போலீஸாா் விசாரித்து வருகின்றனா்.
முளகுமூடு கல்லுவிளை பகுதியில் தேசியமயமாக்கப்பட்ட வங்கியும், அருகில் ஏடிஎம் மையமும் உள்ளன. கடந்த திங்கள்கிழமை (மாா்ச் 3) வங்கி மேலாளா் சுஜாதா வந்து பாா்த்தபோது, ஏடிஎம் மையத்தின் கண்ணாடிக் கதவுகள் சேதமாகியிருந்தன.
இதுகுறித்து அவா் அளித்த புகாரின்பேரில், தக்கலை போலீஸாா் வங்கியின் சிசிடிவி பதிவுகளை ஆய்வு செய்தனா். அப்போது, ஞாயிற்றுக்கிழமை இரவு இரு இளைஞா்கள் வந்து ஏடிஎம் மையத்தின் கண்ணாடிக் கதவுகளை கையால் தள்ளும் காட்சி பதிவாகியிருந்தது. அவா்கள் கூட்டமாவு பகுதியைச் சோ்ந்த அகில் (24), பிரதீப் (25) என, விசாரணையில் தெரியவந்தது.
ஏடிஎம் மையத்தில் பணம் எடுக்கச் சென்றபோது தானியங்கிக் கதவு திடீரென மூடிக் கொண்டதாகவும், அதைத் திறப்பதற்காக வேகமாகத் தள்ளியபோது கதவுகள் உடைந்துவிட்டதாகவும் அவா்கள் தெரிவித்தனா். இதுகுறித்து போலீஸாா் விசாரித்து வருகின்றனா்.
