வரம் தரும் வாரம்!

தினமணி ஜோதிடர் கே.சி.எஸ் ஐயர் இந்த வார (நவம்பர் 22 - 28) பலன்களைத் துல்லியமாக நமக்குக் கணித்து வழங்கியுள்ளார். படித்துப் பயன் பெறுங்கள்.

மேஷம் (அசுவினி, பரணி, கார்த்திகை முதல் பாதம் முடிய)

பிரிந்திருந்த உறவினர்கள் குடும்பத்தோடு இணைவார்கள். குலதெய்வ வழிபாட்டை நடத்துவீர்கள். விடாமுயற்சியால் பிரச்னைகளுக்குத் தீர்வு உண்டு. வருமானம் உயரும்.

உத்தியோகஸ்தர்கள் புதிய சிந்தனைகளுக்கு வடிவம் கொடுப்பீர்கள். வியாபாரிகள் போட்டிகளைச் சமாளிப்பீர்கள். விவசாயிகளுக்கு நீர்ப்பாசன வசதிகள் அதிகரிக்கும்.

அரசியல்வாதிகள் மேலிட ஆதரவைப் பெறுவீர்கள். கலைத் துறையினர் புதிய ஒப்பந்தங்களைப் பெறுவீர்கள். பெண்கள் புதிய வாகனங்களை வாங்குவீர்கள். மாணவர்கள் விளையாட்டுகளில் வெற்றி பெறுவீர்கள்.

சந்திராஷ்டமம் - இல்லை.

ரிஷபம் (கார்த்திகை 2-ம் பாதம் முதல் ரோகிணி, மிருகசீரிஷம் 2-ம் பாதம் முடிய)

பணவரவில் தடை இருந்தாலும் தேவைகள் பூர்த்தியாகும். பெற்றோர் வழியில் இணக்கமான சூழல் நிலவும். பொறுமையுடன் தொழிலில் வெற்றி பெறுவீர்கள். யோகா கற்பீர்கள்.

உத்தியோகஸ்தர்களிடம் மேலதிகாரிகள் கெடுபிடி காட்டுவார்கள். வியாபாரிகளுக்கு லாபம் கிடைக்கும். விவசாயிகள் கால்நடைகளை நல்ல முறையில் பராமரிப்பீர்கள்.

அரசியல்வாதிகளுக்கு எதிர்பார்த்த உதவிகள் கிடைக்கும். கலைத் துறையினர் கவனத்துடன் இருக்கவும். பெண்கள் யோசனைகளைக் குறைக்கவும். மாணவர்கள் கடுமையாக உழைப்பீர்கள்.

சந்திராஷ்டமம் - இல்லை.

மிதுனம் (மிருகசீரிஷம் 3ம் பாதம் முதல் திருவாதிரை,புனர்பூசம் 3-ம் பாதம் முடிய)

தொழிலில் நிலவிவந்த பிரச்னைகள் குறையும். அரசு சலுகைகள் கிடைக்கும். போட்டிகளைச் சமாளிப்பீர்கள். குடும்பத்தில் மகிழ்ச்சி நிறையும்.

உத்தியோகஸ்தர்களுக்கு வேலைப்பளு குறையும். வியாபாரிகள் விற்பனை முறைகளை மாற்றுவீர்கள். விவசாயிகளுக்கு தானிய உற்பத்தி சீராகும்.

அரசியல்வாதிகள் புதிய பயணங்களை மேற்கொள்வீர்கள். கலைத் துறையினர் பிறர் உதவிகளைப் பெறுவீர்கள். பெண்கள் அமைதியுடன் நல்லுறவைப் பேணுவீர்கள். மாணவர்கள் ஆரோக்கியமாக இருக்க உடற்பயிற்சிகளை மேற்கொள்வீர்கள்.

சந்திராஷ்டமம் - இல்லை.

கடகம் (புனர்பூசம் 4-ம் பாதம் முதல் பூசம், ஆயில்யம் முடிய)

சிறிய முதலீடு செய்து தொழிலை விரிவுபடுத்துவீர்கள். புத்திசாலித்தனத்துடன் செயல்படுவீர்கள். உடனிருப்போருக்கு உதவுவீர்கள்.

உடல் ஆரோக்கியம் சிறக்கும். உத்தியோகஸ்தர்களுக்கு உடனிருப்போர் உதவுவார்கள். வியாபாரிகள் கடுமையாக உழைப்பீர்கள். விவசாயிகளுக்கு லாபம் பெருகும்.

அரசியல்வாதிகளுக்கு அதிர்ஷ்ட திருப்பங்கள் உண்டாகும். கலைத் துறையினருக்கு மதிப்பும் மரியாதையும் உயரும். பெண்கள் இன்முகத்துடன் இருப்பீர்கள். மாணவர்கள் வெளிவிளையாட்டுகளில் கவனம் செலுத்துவீர்கள்.

சந்திராஷ்டமம் - இல்லை

சிம்மம் (மகம், பூரம், உத்திரம் முதல் பாதம் முடிய)

மனக் குழப்பங்கள் நீங்கும். பொருளாதாரம் மேன்மையடையும். திட்டமிட்ட பணிகளை முடிப்பீர்கள். உயர்ந்தோரின்ஆதரவைப் பெறுவீர்கள்.

உத்தியோகஸ்தர்கள் பணியிடமாற்றத்தையும் ஊதிய உயர்வையும் பெறுவீர்கள். வியாபாரிகளுக்கு நல்ல யோகம் உண்டும். விவசாயிகளுக்கு அமோக விளைச்சல் உண்டாகும்.

அரசியல்வாதிகள் கவனத்துடன் இருக்கவும். கலைத் துறையினர் புதிய ஒப்பந்தங்களைப் பெறுவீர்கள். பெண்கள் கணவரோடு அனுசரித்து இருப்பீர்கள். மாணவர்கள் ஆசிரியர்களின் ஆதரவைப் பெறுவீர்கள்.

சந்திராஷ்டமம் - இல்லை.

கன்னி (உத்திரம் 2-ம் பாதம் முதல் அஸ்தம், சித்திரை 2-ம் பாதம் முடிய)

பணப்புழக்கம் தாராளமாக இருக்கும். உழைப்புக்கு முக்கியத்துவம் அளிப்பீர்கள். புதிய வீடு வாங்க முயற்சிப்பீர்கள். போட்டிகள் இருக்காது.

உத்தியோகஸ்தர்களுக்கு பதவி உயர்வு உண்டு. வியாபாரிகள் கூட்டாளிகளை நம்பி பொறுப்புகளை ஒப்படைக்க வேண்டாம். விவசாயிகளுக்கு நன்மைகள் உண்டாகும்.

அரசியல்வாதிகள் மாற்றங்களைக் கொண்டு வருவீர்கள். கலைத் துறையினர் மகிழ்ச்சியுடன் பணியாற்றுவீர்கள். பெண்கள் கணவர் வழி உறவினர்களிடம் ஆதரவைப் பெறுவீர்கள். மாணவர்களிடம் தன்னம்பிக்கை அதிகரிக்கும்.

சந்திராஷ்டமம் - இல்லை.

துலாம் (சித்திரை 3-ம் பாதம் முதல் சுவாதி, விசாகம் 3-ம் பாதம்

புதிய நண்பர்கள் கிடைப்பார்கள். எதிர்பார்த்த உதவிகள் கிடைக்கும். திறமைகள் வெளிப்படும். எதையும் சமாளிப்பீர்கள்.

உத்தியோகஸ்தர்கள் அலுவலகப் பயணங்களை மேற்கொள்வீர்கள். வியாபாரிகளுக்கு வாடிக்கையாளர்கள் கூடுவார்கள். விவசாயிகள் புதிய பயிர்களை விளைவிக்க முற்படுவீர்கள்.

அரசியல்வாதிகள் தொண்டர்களுக்கு உதவுவீர்கள். கலைத் துறையினர் முத்திரையைப் பதிக்க முயற்சிப்பீர்கள். பெண்கள் விருந்தினர்கள் வருகையால் மகிழ்வீர்கள். மாணவர்கள் புதிய பயிற்சிகளில் ஈடுபடுவீர்கள்.

சந்திராஷ்டமம் -இல்லை.

விருச்சிகம் (விசாகம் 4-ம் பாதம் முதல் அனுஷம், கேட்டை முடிய)

புதிய ஆசைகள் தோன்றும். இல்லத்தின் தேவைகளைப் பூர்த்தி செய்வீர்கள். தொழிலில் லாபம் அதிகரிக்கும். பிறரிடம் எச்சரிக்கையுடன் பழகவும்.

உத்தியோகஸ்தர்களுக்கு பதவி உயர்வும் ஊதிய உயர்வும் உண்டு. வியாபாரிகளுக்கு போட்டிகள் குறையும். விவசாயிகளுக்கு கூட்டு குத்தகையால் லாபம் கிடைக்கும்.

அரசியல்வாதிகளுக்கு வழக்குகளில் சாதகமான பலன்கள் உண்டு. கலைத் துறையினருக்கு முன்னேற்றம் உண்டு. பெண்கள் சுப நிகழ்ச்சிகளை நடத்துவீர்கள். மாணவர்கள் கேளிக்கைகளில் ஆர்வத்தைக் குறைப்பீர்கள்.

சந்திராஷ்டமம் - இல்லை.

தனுசு (மூலம், பூராடம், உத்திராடம் முதல் பாதம் முடிய)

புத்திசாலித்தனத்தால் இடையூறுகளைச் சமாளிப்பீர்கள். பெரியோர்களை ஆலோசித்து முக்கிய முடிவுகளை எடுப்பீர்கள். பெற்றோர் மனம் கோணாமல் நடப்பீர்கள். கடன்களைத் திரும்ப அடைப்பீர்கள்.

உத்தியோகஸ்தர்களுக்கு வேலைப்பளு கூடும். வியாபாரிகள் வியாபாரத்தை மேம்படுத்துவீர்கள். விவசாயிகளுக்கு மகசூல் சற்று குறையும்.

அரசியல்வாதிகள் மேலிடத்தின் கவனத்தை ஈர்ப்பீர்கள். கலைத் துறையினருக்கு ஒப்பந்தங்கள் தேடி வரும். பெண்களுக்கு நிம்மதியான சூழல் நிலவும். மாணவர்கள் பாராட்டும்படி நடப்பீர்கள்.

சந்திராஷ்டமம் - நவம்பர் 22

மகரம் (உத்திராடம் 2-ம் பாதம் முதல் திருவோணம், அவிட்டம் 2-ம் பாதம் முடிய)

தொழிலை மேம்படுத்துவீர்கள் குடும்பத்தில் சிறு குழப்பங்கள் நிலவும். பணவரவில் தாமதம் ஏற்படும். பெற்றோர் அறிவுரையை கேட்பீர்கள்.

உத்தியோகஸ்தர்கள் மேலதிகாரிகளிடம் அனுசரித்து நடப்பீர்கள். வியாபாரிகளின் ஆலோசனைகளை கூட்டாளிகள் கேட்பார்கள். விவசாயிகள் குத்தகை பாக்கியை வசூலிப்பீர்கள்.

அரசியல்வாதிகளுக்கு தொண்டர்கள் ஆதரவு அளிப்பார்கள். கலைத் துறையினருக்கு நற்பெயர் உண்டாகும். பெண்களுக்கு உறவினர்களின் ஆதரவு கிடைக்கும். மாணவர்கள் நன்கு படிப்பார்கள்.

சந்திராஷ்டமம் - நவம்பர் 23, 24.

கும்பம் (அவிட்டம் 3-ம் பாதம் முதல் சதயம், பூரட்டாதி 3-ம் பாதம் முடிய)

இனிமையான செய்திகள் கிடைக்கும். சமூகத்தில் மதிப்பும் மரியாதையும் கூடும். வயிற்று உபாதைகள் தோன்றி மறையும். பொருளாதார நிலை உயரும்.

உத்தியோகஸ்தர்களின் பேச்சை மேலதிகாரிகள் கேட்பார்கள். வியாபாரிகள் வியாபாரத்தைப் பெருக்குவீர்கள். விவசாயிகள் விவசாய உபகரணங்களை வாங்குவீர்கள்.

அரசியல்வாதிகள் எச்சரிக்கையுடன் இருக்கவும். கலைத் துறையினர் பக்தியுடன் ஈடுபடுவீர்கள். பெண்கள் ஆன்மிகத் தலங்களுக்குச் செல்வீர்கள். மாணவர்கள் பெற்றோருக்கு ஆதரவாக இருப்பீர்கள்.

சந்திராஷ்டமம் - நவம்பர் 25, 26, 27.

மீனம் (பூரட்டாதி 4-ம் பாதம் முதல் உத்திரட்டாதி, ரேவதி முடிய)

உடனிருப்போர் பாராட்டும் வகையில் நடப்பீர்கள். சொத்துகளில் வருவாய் வரத் தொடங்கும். புதிய வசதிகளை உருவாக்கிக் கொள்வீர்கள். வழக்குகளில் வெற்றி பெறுவீர்கள்.

உத்தியோகஸ்தர்களுக்கு மேலதிகாரிகளின் ஆதரவும் கூடும். வியாபாரிகள் அதிக லாபத்தைக் காண்பீர்கள். விவசாயிகள் பாசன வசதிகளைப் பெருக்கிக் கொள்வீர்கள்.

அரசியல்வாதிகள் புதிய பதவிகளைப் பெறுவீர்கள். கலைத் துறையினர் ரசிகர்களின் அன்புக்குப் பாத்திரமாவீர்கள் பெண்கள் செலவைக் குறைப்பீர்கள். மாணவர்கள் பெரியோர் சொல் கேட்பீர்கள்.

சந்திராஷ்டமம் - நவம்பர் 28.