மகாராஷ்டிரம், ஜாா்க்கண்டில் யாா் ஆட்சி? -இன்று வாக்கு எண்ணிக்கை
மகளுக்கு மருத்துவக் கல்லூரியில் இடம் வாங்கித் தருவதாகக் கூறி பொறியாளரிடம் ரூ.14.75 லட்சம் மோசடி செய்யப்பட்டுள்ளதாக புகாா் தெரிவிக்கப்பட்டுள்ளது.
கோவை, ராமநாதபுரம் பழனியப்பா நகா் பகுதியைச் சோ்ந்தவா் ரவிசந்திரன் (52). இவரது மனைவி சாந்தி (50), தனியாா் நிறுவனத்தில் பொறியாளராகப் பணியாற்றி வருகிறாா்.
இவரது மகள் பிளஸ் 2 முடித்ததும் நீட் தோ்வு எழுதியதில் தோ்ச்சி பெற்றாா். இதைத் தொடா்ந்து, மகளை மருத்துவக் கல்லூரியில் சோ்க்க சாந்தி முயற்சி எடுத்து வந்தாா்.
அப்போது, சாந்தியின் கணவரின் தம்பி மூலம் அறிமுகமான ஸ்ரீதா் என்பவா், தான் மருத்துவக் கல்லூரியில் இடம் வாங்கித் தருவதாகவும், அதற்கு பணம் தேவைப்படும் எனவும் கூறியுள்ளாா்.
இதைத் தொடா்ந்து சாந்தி, ஸ்ரீதரிடம் ரூ.61.75 லட்சம் பணத்தை வங்கி மூலமாக பல்வேறு தவணைகளில் செலுத்தியுள்ளாா். ஆனால் ஸ்ரீதா், தான் கூறியதைப்போல சாந்தியின் மகளுக்கு மருத்துவக் கல்லூரியில் இடம் வாங்கிக் கொடுக்கவில்லை எனக் கூறப்படுகிறது.
இதனால் ஏமாற்றம் அடைந்த சாந்தி, ஸ்ரீதரிடம் பணத்தை திருப்பிக் கொடுக்கும்படி தொடா்ந்து வற்புறுத்தியதற்குப் பிறகு ஸ்ரீதா் ரூ.47 லட்சத்தை மட்டும் திருப்பிக் கொடுத்துள்ளாா். மீதி ரூ.14. 75 லட்சத்தை திருப்பிக் கொடுக்கவில்லை எனத் தெரிகிறது.
இதையடுத்து ராமநாதபுரம் காவல் நிலையத்தில் சாந்தி வியாழக்கிழமை புகாா் கொடுத்தாா். அந்தப் புகாரின்பேரில் ஸ்ரீதா் மீது மோசடி உள்ளிட்ட பிரிவுகளின்கீழ் வழக்குப் பதிவு செய்யப்பட்டு விசாரணை நடத்தப்பட்டு வருகிறது.
