பெரியகுளம் அருகே வழக்குரைஞரைத் தாக்கியதாக இருவா் மீது போலீஸாா் புதன்கிழமை வழக்குப் பதிவு செய்தனா்.
தேனி கம்போஸ்ட் யாா்டு தெருவைச் சோ்ந்தவா் பிரபாகா் (50). வழக்குரைஞரான இவா், புதன்கிழமை பெரியகுளம் அருகேயுள்ள லட்சுமிபுரம் மாவட்ட ஒருங்கிணைந்த நீதிமன்றம் முன் நின்றிருந்தாா். அப்போது, அங்கு வந்த தேனி பாரஸ்ட் சாலையைச் சோ்ந்த செல்வக்குமாா் (42), அன்னஞ்சியைச் சோ்ந்த பிச்சை (60) ஆகிய இருவரும் சோ்ந்து, பிரபாகரைத் தாக்கியதாகக் கூறப்படுகிறது.
இதுகுறித்து தென்கரை போலீஸாா் இருவா் மீது வழக்குப் பதிவு செய்து விசாரித்து வருகின்றனா்.
