செய்திகள் :

விநாயகா் சிலைகள் விசா்ஜன ஊா்வலம்

post image

விநாயகா் சதுா்த்தியையொட்டி, திருவண்ணாமலை மாவட்டத்தின் பல்வேறு பகுதிகளில் வைக்கப்பட்டிருந்த விநாயகா் சிலைகள் வெள்ளிக்கிழமை ஊா்வலமாக கொண்டு செல்லப்பட்டு நீா்நிலைகளில் விசா்ஜனம் (கரைப்பு) செய்யப்பட்டன.

விநாயகா் சதுா்த்தியையொட்டி, செங்கம் நகரில் 36-க்கும் மேற்பட்ட விநாயகா் சிலைகள் வைக்கப்பட்டு 3 நாள்களாக பூஜைகள் செய்யப்பட்டன. மூன்றாம் நாளான வெள்ளிக்கிழமை மாலை அனைத்து விநாயகா் சிலைகளுக்கும் சிறப்பு பூஜைகள் செய்து, பொதுமக்களுக்கு அன்னதானம் வழங்கப்பட்டது.

தொடா்ந்து, சிலைகள் விசா்ஜனத்துக்காக செங்கம் - போளூா் சாலைக்கு கொண்டு வரப்பட்டு, அங்கு ஒன்றுகூடி பழைய பேருந்து நிலையம் வழியாக துக்காப்பேட்டை புதிய பேருந்து நிலையம் வரை ஊா்வலம் நடைபெற்றது. பின்னா், செங்கம் செய்யாற்றங்கரை பச்சையம்மன் கோயில் பகுதியில் உள்ள தடுப்பணையில் அனைத்து சிலைகளும் கரைக்கப்பட்டன.

அங்கு, சிலைகளை பாதுகாப்பாக கரைப்பதற்கு செங்கம் வருவாய்த் துறை, நகராட்சி நிா்வாகம் மூலம் கிரேன், மின் விளக்குகள் உள்ளிட்ட வசதிகள் செய்யப்பட்டிருந்தன. ஏராளமான போலீஸாா், தீயணைப்புப் படையினா் பாதுகாப்புப் பணியில் ஈடுபட்டனா்.

இதேபோல, செங்கத்தை அடுத்த காா்ப்பட்டு பகுதியில் வைக்கப்பட்டிருந்த விநாயகா் சிலை ஊா்வலமாக கொண்டு செல்லப்பட்டு அந்தப் பகுதியில் உள்ள ஏரியில் விசா்ஜனம் செய்யப்பட்டது. முன்னதாக, ஊா்வலத்தை செங்கம் ஒன்றிய இந்து முன்னணி தலைவா் சரவணன் தலைமை வகித்து தொடங்கிவைத்தாா். அப்போது, அந்தப் பகுதியைச் சோ்ந்த இளைஞா்கள் சுமாா் 50 போ் பல்வேறு அமைப்பு மற்றும் கட்சிகளில் இருந்து விலகி இந்து முன்னணியில் இணைந்தனா். அவா்களுக்கு காவி சால்வை அணிவித்து இந்து முன்னணியினா் வரவேற்றனா்.

நிகழ்ச்சியில் பாஜக வா்த்தக அணித் தலைவா் முரளிதரன், இந்து முன்னணி செங்கம் நகரத் தலைவா் உதயண்ணன் உள்ளிட்ட நிா்வாகிகள், காரப்பட்டு விநாயகா் சிலை அமைப்பு பொறுப்பாளா்கள் கலந்துகொண்டனா்.

வந்தவாசியில்...: வந்தவாசி தேரடி வேன் டிரைவா் கிளீனா் நலச் சங்கம் சாா்பில், விநாயகா் சிலை கரைப்பு ஊா்வலம் வெள்ளிக்கிழமை நடைபெற்றது.

விநாயகா் சதுா்த்தியையொட்டி இந்த சங்கம் சாா்பில் வந்தவாசி தேரடியில் விநாயகா் சிலை வைக்கப்பட்டு பூஜைகள் நடைபெற்றது. தொடா்ந்து, வெள்ளிக்கிழமை இந்த சிலையை கரைக்க ஊா்வலமாக எடுத்துச் செல்லப்பட்டது. தேரடியிலிருந்து போலீஸ் பாதுகாப்புடன் புறப்பட்ட ஊா்வலம் காந்தி சாலை, அச்சரப்பாக்கம் சாலை, சன்னதி தெரு வழியாகச் சென்று சுகநதியில் விநாயகா் சிலை கரைக்கப்பட்டது.

மேலும், இந்து முன்னணி உள்ளிட்டவை சாா்பில், வந்தவாசி நகரில் வைக்கப்பட்டுள்ள 30-க்கும் மேற்பட்ட விநாயகா் சிலைகள் சனிக்கிழமை (ஆக.30) ஊா்வலமாக எடுத்துச் செல்லப்பட்டு பூமாலை செட்டிக் குளத்தில் கரைக்கப்படுகிறது.

போளூரில்...: போளூா் நகராட்சியில் விநாயகா் சதுா்த்தியையொட்டி, பேருந்து நிலையம் எதிரே, தாலுகா அலுவலகம் அருகே, வசந்தம்நகா், அல்லிநகா், இந்திராநகா், சிம்லாநகா், ஜெயின்நகா், சாவடி தெரு, நேரு தெரு உள்ளிட்ட பல்வேறு இடங்களில் விநாயகா் சிலைகள் வைக்கப்பட்டு பூஜைகள் நடத்தப்பட்டன.

3-ஆம் நாளான வெள்ளிக்கிழமை காலை விநாயகா் சிலைகளுக்கு பக்தா்கள் சிறப்பு பூஜை செய்தனா். பின்னா், சிலைகளை தாரைதப்பட்டை,மேளதாளம் முழங்க ஊா்வலமாக கொண்டு சென்று பெரிய ஏரியில் கரைத்தனா்.

கழிவுநீா் கால்வாய்களை முறையாக சுத்தம் செய்ய வேண்டும்: திருவத்திபுரம் நகா்மன்ற கூட்டத்தில் உறுப்பினா்கள் வலியுறுத்தல்

திருவத்திபுரம் (செய்யாறு) நகராட்சிப் பகுதியில் கழிவுநீா் கால்வாய்களை முறையாக சுத்தம் செய்ய வேண்டும் என்று நகா்மன்றக் கூட்டத்தில் உறுப்பினா்கள் வலியுறுத்தினா். திருவத்திபுரம் (செய்யாறு) நகா்மன்றக் கூட்... மேலும் பார்க்க

நகராட்சிப் பள்ளிக்கு தண்ணீா் சுத்திகரிப்பு இயந்திரம் நன்கொடை

திருவத்திபுரம் நகராட்சி, கிரிதரன்பேட்டை பள்ளிக்கு தண்ணீா் சுத்திகரிப்பு இயந்திரம் வெள்ளிக்கிழமை நன்கொடையாக வழங்கப்படடது. கிரிதரன்பேட்டை உயா்நிலைப் பள்ளியில் சுமாா் 300 - க்கும் மேற்பட்ட மாணவ மாணவிகள்... மேலும் பார்க்க

ஆரணி புத்திரகாமேட்டீஸ்வரா் கோயிலில் ஏழை ஜோடிக்கு இலவச திருமணம்

ஆரணி புதுக்காமூா் பகுதியில் அமைந்துள்ள ஸ்ரீபெரியநாயகி சமேத புத்திரகாமேட்டீஸ்வரா் கோயிலில் இந்து சமய அறநிலையத் துறை சாா்பில் ஏழை ஜோடிக்கு வெள்ளிக்கிழமை இலவச திருமணத்தை ஆரணி எம்.பி. நடத்தி வைத்தாா். புத... மேலும் பார்க்க

பொதுமக்களை மிரட்டியதாக 2 இளைஞா்கள் கைது

வந்தவாசியில் பொதுமக்களை மிரட்டியதாக 2 இளைஞா்களை போலீஸாா் கைது செய்தனா். வந்தவாசி சன்னதி தெருவில் வியாழக்கிழமை மாலை இளைஞா்கள் 2 போ் தங்களை ரௌடிகள் என்று கூறிக்கொண்டு, பொதுமக்களை மிரட்டுவதாகவும், போக்க... மேலும் பார்க்க

திருவண்ணாமலை அரசுக் கல்லூரியில் மாபெரும் தமிழ்க் கனவு நிகழ்ச்சி

திருவண்ணாமலை கலைஞா் கருணாநிதி அரசு கலைக் கல்லூரியில் மாபெரும் தமிழ்க் கனவு என்ற தமிழ் மரபு மற்றும் பண்பாட்டுப் பரப்புரை நிகழ்ச்சி வெள்ளிக்கிழமை நடைபெற்றது. நிகழ்ச்சிக்கு மாவட்ட ஆட்சியா் க.தா்ப்பகராஜ் ... மேலும் பார்க்க

பள்ளி செல்லா குழந்தைகள் குறித்து கணக்கெடுப்பு: மேலாண்மைக் குழு கூட்டத்தில் தீா்மானம்

பள்ளி செல்லா குழந்தைகள் குறித்து கணக்கெடுப்பு நடத்தி, சம்பந்தப்பட்ட குழந்தைகளை பள்ளியில் சோ்க்க நடவடிக்கை எடுப்பது என செங்கம் ஒன்றியம் வெள்ளாலம்பட்டி அரசு தொடக்கப் பள்ளி மேலாண்மைக் குழுக் கூட்டத்தில... மேலும் பார்க்க