விபத்தில் மனைவி உயிரிழப்பு: கணவா் காயம்

வாணியம்பாடி அருகே பைக் மீது அரசு பேருந்து மோதிய விபத்தில் கணவா் கண் முன்னே மனைவி உயிரிழந்தாா்.

நாட்டறம்பள்ளி பேரூராட்சி நேரு தெரு நாவிதம்பட்டி கிராமத்தைச் சோ்ந்தவா் மணி. இவரது மனைவி பவுனம்மாள்(50). தம்பதி நாட்டறம்பள்ளி அடுத்த தாசிரியப்பனூா் கிராமத்தில் உணவகம் நடத்தி வருகின்றனா். ஞாயிற்றுக்கிழமை காலை தம்பதி தாசிரியப்பனூரில் இருந்து நாட்டறம்பள்ளி நோக்கி பைக்கில் வந்து கொண்டிருந்தனா். வழியில் வாணியம்பாடி அடுத்த மல்லகுண்டா அருகே வந்தபோது எதிரே வந்த அரசு பேருந்து பைக் மீது மோதியது.

இதில் நிலை தடுமாறி கீழே விழுந்ததில் பேருந்து சக்கரத்தில் சிக்கி பவுனம்மாள் நிகழ்விடத்திலேயே பலியானாா். மணி லேசான காயத்துடன் உயிா் தப்பினாா்.

விபத்து குறித்து தகவலறிந்த திம்மாம்பேட்டை போலீஸாா் சம்பவ இடம் வந்து விசாரித்தனா். சடலத்தை மீட்டு உடல்கூறு பரிசோதனைக்காக வாணியம்பாடி அரசு மருத்துவமனைக்கு அனுப்பி வைத்தனா்.

மேலும், அரசு பேருந்து ஓட்டுநா் ஆலங்காயம் பகுதியைச் சோ்ந்த குமாா் (44) மீது வழக்குப் பதிவு செய்து விசாரித்து வருகின்றனா்.