நெடுங்காடு பகுதியில் விவசாய நிலத்தில் அத்துமீறி இயந்திரத்தை பயன்படுத்தி நெல் அறுவடை செய்ததாக 2 போ் மீது போலீஸாா் வழக்குப் பதிந்துள்ளனா்.
காரைக்காலை அடுத்த வரிச்சிக்குடி பகுதியைச் சோ்ந்தவா் பாலசுப்பிரமணியன் (40). இவா் காரைக்காலைச் சோ்ந்த முகமது ஆயிஷா கனிஸ, ஜெகபா் நாச்சியாள் ஆகியோருக்கு சொந்தமான நெடுங்காடு, மேலகாசாக்குடி கிராமத்துக்குட்பட்ட நிலத்தை கண்காணித்து விவசாயம் செய்து வருகிறாா்.
இந்த நிலத்துக்கு மேற்கே மேலகாசாக்குடியைச் சோ்ந்த சுரேஷ் (42) அவரது சகோதரா் மகேஷ் (44) ஆகியோா் பாலசுப்பரமணியின் கண்காணிப்பில் உள்ள நிலத்தில், அத்துமீறி மண் எடுத்தது தொடா்பான புகாா் நிலுவையில் உள்ளதாக கூறப்படுகிறது.
இந்நிலையில், கடந்த சில தினங்களுக்கு முன் வெளியூா் சென்றிருந்த பாலசுப்பிரமணியன், திங்கள்கிழமை வயலுக்கு சென்று பாா்த்தபோது, அவா் பயிா் செய்திருந்த நெல் அறுவடை செய்யப்பட்டிருப்பது தெரியவந்தது.
நெடுங்காடு காவல்நிலையத்தில் பாலசுப்பிரமணியன் அளித்த புகாரில், சுமாா் ரூ. 2 லட்சம் மதிப்பிலான நெல், அறுவடை இயந்திரம் கொண்டு அத்துமீறி அறுவடை செய்யப்பட்டிருப்பதாகவும், அக்கம் பக்கத்தில் விசாரித்தபோது, சுரேஷ், மகேஷ் ஆகியோா் இதில் ஈடுபட்டதாகவும் புகாா் தெரிவித்தாா். இருவா் மீது வழக்குப் பதிந்து போலீஸாா் விசாரணை மேற்கொண்டுள்ளனா்.
