காஸா போர் நிறுத்தம் அமல்படுத்தப்படுவதில் சிக்கல்! ஹமாஸுக்கு இஸ்ரேல் நிபந்தனை
விழுப்புரம் மாவட்டம், செஞ்சி அருகே விவசாயியை வெட்டிக் கொலை செய்ததாக மூவரை போலீஸாா் சனிக்கிழமை கைது செய்தனா்.
செஞ்சியை அடுத்த குறிஞ்சிபை வடக்குத்தாங்கல் கிராமத்தை சோ்ந்த மகாலிங்கம் மகன் சேகா் (38), விவசாயி.
இவருக்கும் அவரது உறவினா் ஏழுமலைக்கும் நீண்ட நாள்கள் முன்விரோதம் இருந்து வந்ததாகக் கூறப்படுகிறது.
வெள்ளிக்கிமை சேகரின் நிலத்தின் வழியே ஏழுமலை டிராக்டரை ஓட்டிச் சென்றாராம். இதுபற்றி சேகரின் தந்தை மகாலிங்கம் ஏழுமலையிடம் கேட்டுள்ளாா்.
இதனால்,சேகா் தரப்புக்கும் ஏழுமலை தரப்புக்கும் வாக்குவதாம் ஏற்பட்டது. ஆத்திரமடைந்த ஏழுமலை, அவரது மகன்கள் கிருஷ்ணன், அரவிந்த ஆகிய மூவரும் சேகரை வெட்டியதில் நிகழ்விடத்திலேயே உயிரிழந்தாா்.
அப்போது, தடுக்க வந்த சேகரின் அண்ணன் சங்கரையும் அவா்கள் வெட்டினா். இதில், பலத்த காயமடைந்த அவா் செஞ்சி அரசு மருத்துவமனையில் அனுமதிக்கப்பட்டுள்ளாா்.
தகவலறிந்து நிகழ்விடத்துக்கு வந்த செஞ்சி போலீஸாா் சேகரின் சடலத்தை மீட்டு உடல்கூறாய்வுக்காக விழுப்புரம் அரசு மருத்துவக் கல்லூரி மருத்துவமனைக்கு அனுப்பிவைத்தனா்.
இதுதொடா்பாக, செஞ்சி போலீஸாா் வழக்குப் பதிந்து ஏழுமலை, கிருஷ்ணன், அரவிந்த் ஆகிய மூவரையும் கைது செய்து விசாரித்து வருகின்றனா்.
