வேலூரில் பிடிபட்ட யானை தந்தம் - பாஜக நிர்வாகி உட்பட 9 பேரிடம் வனத்துறை தீவிர விசாரணை

வேலூர் அடுத்துள்ள அரியூர் மலைக்கோடியைச் சேர்ந்தவர் சம்பத் (56). இவரின் வீட்டில் யானை தந்தம் பதுக்கி வைக்கப்பட்டிருப்பதாக வனம் மற்றும் வனஉயிரின குற்றத்தடுப்புப் பிரிவினருக்கு ரகசிய தகவல் கிடைத்தது. இதையடுத்து, வேலூர் வனச்சரக அலுவலர் புருஷோத்தமன் தலைமையிலான வனக்காவலர்கள் சம்பத்தின் வீட்டில் அதிரடியாக சோதனையில் ஈடுபட்டனர். அங்கு 4 துண்டுகளாக வெட்டிப் பதுக்கப்பட்டிருந்த யானை தந்தம் மற்றும் யானையின் பல்லை கண்டுபிடித்து பறிமுதல் செய்தனர்.

இதைத்தொடர்ந்து, சம்பத்தைப் பிடித்து தீவிரமாக விசாரணை நடத்தியதில், பின்னணியில் பெரிய கடத்தல் நெட்வொர்க் இருப்பதும் தெரியவந்தது.

விசாரணை அடிப்படையில், முதற்கட்டமாக கடத்தல் நெட்வொர்க்கைச் சேர்ந்த சரத் என்கிற சரத்குமார், தரணிகுமார் உள்ளிட்ட 9 பேரை பிடித்திருக்கின்றனர். இதில் சரத் என்கிற சரத்குமார் என்பவர் பா.ஜ.க-வின் வேலூர் மாவட்ட இளைஞரணி செயலாளராக கட்சிப்பதவியில் இருப்பதோடு, டாஸ்மாக் ஊழியராகவும் பணிபுரிந்து வருகிறார். இவர்கள் யானையை வேட்டையாடி அதன் தந்தத்தை வெட்டி எடுத்தார்களா அல்லது பிற நபர்களிடம் இருந்து வாங்கி வந்து விற்பனைச் செய்வதற்காக பதுக்கி வைத்திருந்தார்களா? என கிடுக்கிப்பிடியாக விசாரணை நடத்தி வருகின்றனர்.

நீங்கள் விரும்பி படித்த தொடர்கள், இப்போது ஆடியோ வடிவில்... புத்தம் புதிய விகடன் ப்ளே... உங்கள் அன்றாட பணிகளை கவனித்துக் கொண்டே ரசித்து கேட்க, உடனே இன்ஸ்டால் செய்யுங்கள்...

https://bit.ly/VaigainathiNaagarigam