ஸ்டாா்ட்-அப் நிறுவனங்களின் வளா்ச்சிக்கான சூழல்: மாநிலங்களுக்கு பிரதமா் வேண்டுகோள்

புத்தாக்க (ஸ்டாா்ட்-அப்) நிறுவனங்களின் வளா்ச்சிக்கான சூழலை மாநிலங்கள் உருவாக்க வேண்டும் என்று பிரதமா் நரேந்திர மோடி கேட்டுக்கொண்டாா்.

அதேபோல், குடிமக்களின் வசதிக்கு நிா்வாக விதிமுறைகளை எளிதாக்க வேண்டும்; உடல்பருமனை மிகப்பெரிய சவாலாக கருத வேண்டும் என்றும் பிரதமா் வலியுறுத்தினாா்.

தில்லியில் ஞாயிற்றுக்கிழமை நடைபெற்ற தலைமைச் செயலா்களின் 4-ஆவது தேசிய மாநாட்டின் நிறைவு நிகழ்ச்சியில் பேசிய பிரதமா் மோடி, ‘அடுத்த ஆண்டு இறுதிக்குள் இந்தியாவை காசநோய் இல்லாத நாடாக மாற்ற அங்கன்வாடி பணியாளா்கள் பெரும் பங்காற்ற முடியும். ஏனெனில், ஆரோக்கியமான இந்தியா மட்டுமே வளா்ந்த நாடாக இருக்கும்.

பொருளாதார வளா்ச்சியின் மையங்களாக நகரங்களை மாற்றுவதற்கான மனிதவள மேம்பாட்டுக்காக அதிகாரிகள் பணியாற்ற வேண்டும். நகா்ப்புறங்கள் விரிவடைந்து வருவதால், அதன் நிா்வாகம், நீா் மற்றும் சுற்றுச்சூழல் மேலாண்மை ஆகியவற்றில் நிபுணத்துவம் பெற்ற நிறுவனங்களை உருவாக்குவது அத்தியாவசியம்.

நாட்டின் 2, 3-ஆம் நிலை நகரங்களிலும் புத்தாக்க நிறுவனங்கள் வளா்ச்சியடைவதற்கான சூழலை மாநிலங்கள் உருவாக்க வேண்டும்.

குறு நகரங்களில் தொழில்முனைவோருக்கு ஏற்ற இடங்களை கண்டறிந்து, அவா்களுக்கு வேண்டிய வசதிகளை செய்துதர வேண்டும்.

பழைய ஓலைச்சுவடிகள் இந்தியாவின் பொக்கிஷம். அவற்றை எண்மமயமாக்க மாநிலங்கள் நடவடிக்கை எடுக்க வேண்டும். மின்னணு கழிவுகளை மறுசுழற்சி செய்வதற்கான சாத்தியக்கூறுகளையும் ஆராய வேண்டும்.

கொள்கை வேறுபாடுகளை மீறி அனைத்து தரப்பு மக்களும் சுதந்திரப் போராட்டத்தில் பங்கேற்றது போல, 2047-க்குள் நமது தேசத்தை வளா்ந்த நாடாக மாற்ற ஒவ்வொரு இந்தியரும் உழைக்க வேண்டும்’ என்றாா்.