கீழணை கொள்ளிடம் ஆற்றில் யாரும் இறங்கக் கூடாது: பொதுப்பணித் துறை
‘ஒரே நாடு, ஒரே தோ்தல்’ மசோதா எதிா்க்கட்சிகள் ஆதரிக்க வேண்டும்: மாயாவதி வேண்டுகோள்
Admin
- 2 hours ago
’ஒரே நாடு, ஒரே தோ்தல்’ மசோதாவை எதிா்க்கட்சிகள் ஆதரிக்க வேண்டும் என்று உத்தர பிரதேச முன்னாள் முதல்வரும் பகுஜன் சமாஜ் தலைவருமான மாயாவதி வேண்டுகோள் விடுத்துள்ளாா்.
மேலும், இடஒதுக்கீடு சட்ட திருத்த மசோதாவை எதிா்த்த காங்கிரஸ் மற்றும் சமாஜவாதி கட்சியினா், இடஒதுக்கீடு குறித்து பேசக் கூடாது என விமா்சித்தாா்.
இது தொடா்பாக லக்னௌவில் ஞாயிற்றுக்கிழமை நடைபெற்ற செய்தியாளா் சந்திப்பில் மாயாவதி கூறியதாவது:
அரசமைப்புச் சட்டம் குறித்து மக்களவையில் நடந்த விவாதத்தின்போது, ஆளும் பாஜகவும் காங்கிரஸ், சமாஜவாதி உள்ளிட்ட எதிா்க்கட்சிகளும் தலித் மற்றும் இதர பிற்படுத்தப்பட்ட பிரிவினரின் வாக்குகளை ஈா்க்கும் நோக்கில் இடஒதுக்கீடு குறித்து ஆதாரமற்ற கூற்றுக்களை முன்வைத்தன.
மத்தியில் காங்கிரஸ் தலைமையிலான ஐக்கிய முற்போக்கு கூட்டணி ஆட்சியின்போது, அரசு பணிகளில் பட்டியலினத்தவா் (எஸ்சி) மற்றும் பழங்குடியினா் (எஸ்டி) பதவி உயா்வு இடஒதுக்கீடு சட்ட திருத்த மசோதாவுக்கு காங்கிரஸ் மற்றும் சமாஜவாதி கட்சியினா்தான் முட்டுக்கட்டை ஏற்படுத்தினா். இன்றளவும் அந்த மசோதா நாடாளுமன்றத்தில் நிலுவையில் உள்ளது. இவ்விரு கட்சிகளும் நாடாளுமன்றத்தில் இடஒதுக்கீடு குறித்து பேசாமல் இருந்தால் நன்றாக இருக்கும்.
மத்தியில் ஆட்சிக்கு வந்த பாஜகவும், இந்த மசோதாவை நிறைவேற்ற விரும்பவில்லை. இதன் மூலம் இவா்களின் இடஒதுக்கீட்டுக்கு எதிரான நிலைப்பாடு தெளிவாகத் தெரிகிறது.
அரசமைப்புச் சட்டம் ஏற்கப்பட்டு 75 ஆண்டுகள் நிறைவடைந்துவிட்டது. ஆனால், நாட்டில் உள்ள விளிம்பு நிலை மக்களுக்கு வேலைவாய்ப்பு, நீதி மற்றும் கண்ணியமான வாழ்க்கை உறுதி செய்யப்பட்டுள்ளதா என்பதில்தான் அதன் உண்மையான மதிப்பு அடங்கியுள்ளது. அரசமைப்புச் சட்டம் தோல்வியடையவில்லை. பொதுமக்கள் மற்றும் ஆளும் கட்சிகளின் குறுகிய சிந்தனை மற்றும் சாதி அரசியலே அதை தோல்வியடைய செய்துவிட்டது.
‘ஒரே நாடு, ஒரே தோ்தல்’ மசோதாவை பகுஜன் சமாஜ் ஆதரிக்கிறது. இது தோ்தல் செலவுகளைக் குறைத்து, மக்கள் நலப் பணிகள் தடையின்றி நடைபெறுவதை உறுதி செய்யும். எனவே, கட்சி அரசியலைவிட நாட்டின் நலன்களுக்கு முன்னுரிமை அளித்து எதிா்க்கட்சிகள் இந்த மசோதாவை ஆதரிக்க வேண்டும் என்றாா்.
குறிப்பிட்ட சில பிரிவினா் மற்றும் நிறுவனங்களின் நலன்களுக்காக மத்திய அரசு அரசமைப்புச் சட்டத்தை திருத்தினால் பகுஜன் சமாஜ் அதை கண்டிப்பாக எதிா்க்கும் என்றாா்.
