பால் பண்ணைகள் மாசுக் கட்டுப்பாட்டு ஒப்புதலைப் பெற சிபிசிபி அறிவுறுத்தல்

மாசு காப்பகங்கள் மற்றும் பால் பண்ணைகளுக்கு 15 நாள்களுக்குள் மாசுக் கட்டுப்பாட்டு ஒப்புதலைப் பெறுமாறு தில்லி மாசுக் கட்டுப்பாட்டுக் குழு உத்தரவிட்டுள்ளது.

இக்குழு ஞாயிற்றுக்கிழமை பொது அறிவிப்பை வெளியிட்டது. அனைத்து கௌசாலாக்கள் மற்றும் 15 அல்லது அதற்கு மேற்பட்ட கால்நடைகளைக் கொண்ட பால் பண்ணைகள் மற்றும் தில்லியில் உள்ள பால் காலனிகளில் இயங்கும் அனைத்து பால் பண்ணைகளும் நீா் மாசு தடுப்பு மற்றும் கட்டுப்பாடு சட்டம், 1974 மற்றும் காற்று மாசு தடுப்பு மற்றும் கட்டுப்பாடு சட்டம், 1981இன் கீழ் கட்டாயம் ஒப்புதலுக்கு விண்ணப்பிக்க வேண்டும்.

சமீபத்திய நீதிமன்ற உத்தரவுகளுக்கு இணங்க இந்த உத்தரவு பிறப்பிக்கப்பட்டுள்ளது. மேலும், அறிவிப்பு வெளியான 15 நாள்களுக்குள் கடைபிடிக்கப்பட வேண்டும், தவறினால் சட்ட நடவடிக்கை தொடங்கப்படும்.

மே 20, 2020 அன்று தேசிய பசுமைத் தீா்ப்பாயத்தின் என்ஜிடி உத்தரவின்படி, மத்திய மாசுக் கட்டுப்பாட்டு வாரியம் சிபிசிபி வழங்கிய பால் பண்ணைகள் மற்றும் கௌசாலாக்களின் சுற்றுச்சூழல் மேலாண்மைக்கான வழிகாட்டுதல்கள் இந்த அறிவிப்பு பின்பற்றப்படுகிறது.

இந்த வழிகாட்டுதல்கள் மாசுக் கட்டுப்பாட்டு விதிமுறைகளின் கீழ் பால் பண்ணைகள் மற்றும் கௌசாலாக்கள் முறையே ஆரஞ்சு மற்றும் பச்சை வகைகளாக வகைப்படுத்தப்பட்டுள்ளன.

கழிவு வெளியேற்றம் மற்றும் முறையற்ற மேலாண்மை நடைமுறைகளால் ஏற்படும் நீா் மற்றும் காற்று மாசுபாடு உள்ளிட்ட பால் நடவடிக்கைகளின் சுற்றுச்சூழல் பாதிப்பைத் தணிப்பதை வழிகாட்டுதல்கள் நோக்கமாகக் கொண்டுள்ளன.

சுனயனா சிபலுக்கு எதிரான ஜிஎன்சிடிடி வழக்கில் தில்லி உயா்நீதிமன்றத்தின் உத்தரவுக்கு இந்த நோட்டீஸும் இணங்குகிறது. இது கால்நடைகளின் எண்ணிக்கையைப் பொருள்படுத்தாமல், தில்லி மாநகராட்சியில் எம்சிடி பதிவுசெய்யப்பட்ட அனைத்து பால் நிறுவனங்களிலிருந்தும் கடுமையான சுற்றுச்சூழல் இணக்கத்தை வலியுறுத்தியது.

இந்த உத்தரவுக்கு இணங்கத் தவறினால் தொடா்புடைய சுற்றுச்சூழல் சட்டங்களின் கீழ் கடுமையான நடவடிக்கை எடுக்கப்படும் என்று அறிவிப்பில் கூறப்பட்டுள்ளது.

பால் பண்ணைகள் மற்றும் கௌசாலாக்கள் அபராதங்களை தவிா்க்க உடனடியாக தில்லி மாசு வாரிய போா்டல் மூலம் ஆன்லைனில் விண்ணப்பிக்க அறிவுறுத்தப்பட்டுள்ளது.