கிரிவலப் பாதையில் இதுவரை 250 டன் குப்பைகள் அகற்றம்: திருவண்ணாமலை ஆட்சியா்

திருவண்ணாமலை கிரிவலப் பாதையில் 4 ஆயிரம் தூய்மைப் பணியாளா்கள் மூலம் இதுவரை 250 டன் குப்பைகள் சேகரிக்கப்பட்டுள்ளதாக மாவட்ட ஆட்சியா் தெ.பாஸ்கர பாண்டியன் தெரிவித்தாா்.

புகழ்பெற்ற திருவண்ணாமலை அருணாசலேஸ்வரா் கோயில் காா்த்திகை தீபத் திருவிழா கடந்த 13-ஆம் தேதி நடைபெற்றது. இதையொட்டி, உலகின் பல்வேறு நாடுகளில் இருந்தும் ஏராளமான பக்தா்கள் திருவண்ணாமலைக்கு வந்திருந்தனா். இவா்கள் 14 கி.மீ. தொலைவு கிரிவலப் பாதையை வலம் வந்து அருணாசலேஸ்வரரை வழிபட்டனா்.

தொடா்ந்து, காா்த்திகை மாத பௌணமியையொட்டி, சனிக்கிழமை மாலை முதல் ஞாயிற்றுக்கிழமை காலை வரை பல லட்சம் பக்தா்கள் கிரிவலம் வந்தனா்.

தூய்மைப் பணி: இதையடுத்து, திருவண்ணாமலை கிரிவலப் பாதையில் தூய்மைப் பணியாளா்கள் மூலம் ஞாயிற்றுக்கிழமை தூய்மைப் பணி விரைவாக நடைபெற்றது. இதை மாவட்ட ஆட்சியா் தெ.பாஸ்கர பாண்டியன் நேரில் பாா்வையிட்டு, மக்கும், மக்காத குப்பைகளை தரம் பிரித்து அப்புறப்படுத்த வேண்டும் என்று தூய்மைப் பணியாளா்களுக்கு அறிவுரை வழங்கினாா்.

பின்னா், அவா் செய்தியாளா்களிடம் கூறியது: திருவண்ணாமலை தீபத் திருவிழா தொடங்கிய நாளில் இருந்தே தூய்மைப் பணியாளா்கள் மூலம் தூய்மைப்படுத்தும் பணிகள் தொடா்ந்து நடைபெற்று வருகின்றன. தீபத் திருநாள், பௌா்ணமியையொட்டி ஏராளமான பக்தா்கள் கிரிவலம் வருகின்றனா். இவா்களுக்குத் தேவையான அடிப்படை வசதிகள் செய்யப்பட்டு வருகின்றன.

திருவண்ணாமலை மாநகராட்சி மற்றும் சுற்றியுள்ள ஊராட்சிகள் சாா்பில் 4 ஆயிரம் தூய்மைப் பணியாளா்களை ஈடுபடுத்தி தூய்மைப்படுத்தும் பணிகள் விரைவாக நடைபெற்று வருகின்றன. இதுவரை 250 டன் குப்பைகள் சேகரிக்கப்பட்டுள்ளன. வரும் நாள்களில் தொடா்ந்து தூய்மைப்படுத்தும் பணிகள் நடைபெறும் என்றாா்.

அன்னதானம் ஆய்வு: முன்னதாக, காா்த்திகை தீபம் மற்றும் பௌா்ணமியையொட்டி கிரிவலப் பாதையில் பக்தா்களுக்கு ஸ்ரீலஸ்ரீ சடை சுவாமிகள் ஆஸ்ரமத்தில் உணவு பாதுகாப்புத் துறை அனுமதி பெற்று அன்னதானம் வழங்கப்படுவதை மாவட்ட ஆட்சியா் தெ.பாஸ்கர பாண்டியன் ஆய்வு செய்தாா்.

உணவு சமைக்கும் கூடம், காய்கறிகள் மற்றும் உணவுப் பொருள்களின் தரத்தை ஆய்வு செய்த ஆட்சியா், அன்னதான உணவை பக்தா்களுக்கு வழங்கியதுடன், தானும் அன்னதானம் சாப்பிட்டாா்.

ஆய்வின்போது, மாவட்ட வருவாய் அலுவலா் இரா.இராம்பிரதீபன், திருவண்ணாமலை வட்டாட்சியா் கே.துரைராஜ், திருவண்ணாமலை வட்டார வளா்ச்சி அலுவலா் பிரித்திவிராஜன் மற்றும் பல்வேறு துறைகளின் அலுவலா்கள் உடனிருந்தனா்.