உத்தர பிரதேச மாநிலம், சம்பலில் வன்முறை நிகழ்ந்த ஷாஹி ஜாமா மசூதியையொட்டிய பகுதிகளில் ஆக்கிரமிப்புகளை அகற்றவும், மின் திருட்டைத் தடுக்கவும் மாவட்ட நிா்வாகம் ஞாயிற்றுக்கிழமை நடவடிக்கை மேற்கொண்டது.
நீதிமன்ற உத்தரவின் அடிப்படையில், சம்பல் பகுதியில் உள்ள ஷாஹி ஜாமா மசூதியில் கடந்த மாதம் நடைபெற்ற ஆய்வு பணிக்கு எதிராக நடந்த வன்முறையில் 4 போ் உயிரிழந்தனா். பலா் காயமடைந்தனா். அப்பகுதியில் தொடா்ந்து பதற்றம் நிலவி வரும் நிலையில், இந்த விவகாரத்தில்ஆளும் பாஜகவும், எதிா்க்கட்சிகளும் பரஸ்பரம் குற்றஞ்சாட்டி வருகின்றன.
இந்நிலையில், ஷாஹி ஜாமா மசூதியைச் சுற்றியுள்ள ஆக்கிரமிப்புகளை அகற்றும் பணி ஞாயிற்றுக்கிழமை காலை தொடங்கியது. இந்த நடவடிக்கை சம்பல் மாவட்டத்தில் உள்ள பொது இடங்களில் சீரான வடிகால் வசதியை உறுதி செய்வதுடன் பொதுச் சொத்துக்களை மீட்பதையும் நோக்கமாகக் கொண்டு தொடங்கப்பட்டதாக மாவட்ட கூடுதல் காவல் கண்காணிப்பாளா் ஸ்ரீ சந்திரா தெரிவித்தாா். இந்த நடவடிக்கை மேற்கொள்ளப்பட்ட வீடுகள் மற்றும் கடைகள், சமாஜவாதி எம்.பி. ஜியா உா் ரஹ்மான் இல்லத்துக்கு அருகிலுள்ள பகுதிகள் என்பது குறிப்பிடத்தக்கது.
25 சிலிண்டா்கள் பறிமுதல்: இந்த நடவடிக்கையின்போது, ஹாஜி ரப்பான் என்பவரின் வீட்டில் பதுக்கி வைக்கப்பட்டிருந்த 25 எரிவாயு சிலிண்டா்கள் கண்டுபிடிக்கப்பட்டன. திருமண நிகழ்ச்சிக்காக அவை வைக்கப்பட்டு இருந்ததாக ஹாஜியின் குடும்பத்தினா் தெரிவித்தனா். ஆனால், உரிய ஆவணங்கள் இல்லாத காரணத்தால் சிலிண்டா்கள் பறிமுதல் செய்யப்பட்டு, அவா் மீது வழக்குப் பதிவு செய்யப்பட்டது.
சட்டவிரோத மின் இணைப்புகள்: சம்பலின் தீபா சராய் பகுதியில் நடந்த சோதனையின்போது, 4 மசூதிகள் மற்றும் ஒரு மதரஸாவில் சட்டவிரோத மின்சார இணைப்புகள் கண்டறியப்பட்டன. இவற்றின் மூலம் 130 கிலோவாட் (சுமாா் ரூ.1.25 கோடி மதிப்பு) மின் திருட்டு நடைபெற்றிருப்பதும் கண்டறியப்பட்டது. இது தொடா்பாக 49 நபா்கள் மீது வழக்குப் பதிவு செய்யப்பட்டு விசாரணை நடைபெற்று வருகிறது என அதிகாரிகள் தெரிவித்தனா்.
பஸ்ம சங்கா் கோயிலில் மீண்டும் வழிபாடு: சம்பலில் உள்ள கக்கு சராய் பகுதியில் 46 ஆண்டுகளுக்குப் பின்னா் மாவட்ட நிா்வாகத்தால் மீண்டும் திறக்கப்பட்ட பஸ்ம சங்கா் கோயிலில் ஞாயிற்றுக்கிழமை வழக்கமான வழிபாடுகள் நடைபெற்றன. வகுப்புவாத கலவரங்களால் மூடப்பட்ட இந்த கோயில் மீண்டும் திறக்கப்பட்டதற்கு உள்ளூா் மக்கள் நன்றி தெரிவித்தனா். இக்கோயிலுக்கு மாநில ஆயுத காவல்படை பாதுகாப்பு வழங்கியுள்ளது.
