ஹிந்தியை விரும்பியவா்கள் படிக்கலாம் திணிப்புக் கூடாது: கே.ஆா்.என்.ராஜேஸ்குமாா் எம்.பி.

தமிழகத்தில் ஹிந்தியை விரும்பியவா்கள் யாரும் படிக்கலாம்; ஆனால் ஹிந்தி திணிப்புக் கூடாது என்பதுதான் திமுகவின் கொள்கை என மாநிலங்களவை உறுப்பினா் கே.ஆா்.என்.ராஜேஸ்குமாா் தெரிவித்தாா்.

ஹிந்தி திணிப்பு, நிதி ஒதுக்கீட்டில் பாரபட்சம், தொகுதி மறுசீரமைப்பில் அநீதி என்பதை முன்வைத்து மத்திய அரசைக் கண்டித்து ராசிபுரம் பேருந்து நிலையம் முன்பாக நாமக்கல் மாவட்ட திமுக இளைஞரணி சாா்பில் கண்டன பொதுக் கூட்டம் அண்மையில் நடைபெற்றது.

இக்கூட்டத்துக்கு நகர திமுக செயலா் என்.ஆா். சங்கா் தலைமை வகித்தாா். மாவட்ட இளைஞரணி துணை அமைப்பாளா்கள் ம.காா்த்திக், ரா.பிரபாகரன் ஆகியோா் வரவேற்றுப் பேசினா்.

கூட்டத்தில் மாநிலங்களவை உறுப்பினரும், நாமக்கல் கிழக்கு மாவட்ட திமுக செயலாளருமான கே.ஆா்.என்.ராஜேஷ் குமாா், திராவிடா் கழக பேச்சாளா் மதிவதினி, பேச்சாளா் மோகநிதி ஆகியோா் பங்கேற்று பேசினா்.

இக்கூட்டத்தில் மாநிலங்களவை உறுப்பினா் கே.ஆா்.என்.ராஜேஷ் குமாா் பேசியதாவது:

நான்கு ஆண்டுகால திமுக ஆட்சியில் எண்ணற்றத் திட்டங்கள் செயல்படுத்தப்பட்டுள்ளன. தோ்தலின்போது சொல்லாத திட்டங்களும் செயல்படுத்தப்பட்டுள்ளன. எந்த மாநிலத்திலும் இல்லாத காலை சிற்றுண்டித் திட்டம் செயல்படுத்தப்பட்டுள்ளது. ராசிபுரம் தொகுதி வளா்ச்சிக்கு புதிய குடிநீா்த் திட்டம், சாலை வசதி என பல திட்டங்கள் கொண்டு வரப்பட்டுள்ளன. தமிழகத்தில் முதன் முதலில் அமையவுள்ள மினி டைடல் பாா்க், நாமக்கல் மாவட்டத்திற்கு தனியாக மத்திய கூட்டுறவு வங்கி என பல திட்டங்கள் கொண்டுவரப்பட்டுள்ளன.

மத்திய அரசால் இதையெல்லாம் பொருத்துக்கொள்ள முடியவில்லை. எதையாவது சொல்லி இந்த ஆட்சியை அகற்ற வேண்டும் என்பதுதான் மத்திய அரசின் நோக்கம். தற்போது தமிழக அரசுக்கு நிதிதரக் கூடாது என்ற பிரச்னையை கையில் எடுத்துள்ளது மத்திய அரசு. மும்மொழிக் கொள்கையை கொண்டுவரவில்லை எனக் காரணம் சொல்கின்றனா். திமுக ஹிந்திக்கு எதிரானவா்கள் அல்ல. விரும்பியவா்கள் யாரும் ஹிந்தியை படிக்கலாம். ஆனால் கட்டாயம் படிக்க வேண்டும். படித்தால்தான் நிதி தருவோம் என்று கூறுவதைத் தான் எதிா்கிறோம்

ராசிபுரம் புதிய பேருந்து நிலையம் அமைந்தே தீரும்:

ராசிபுரம் பேருந்து நிலைய பிரச்னையில் சமூக ஆா்வலா்கள் என்ற பெயரில் பலா் போராட்டம் நடத்துகின்றனா். இந்தப் போராட்டம் சுயலாபத்திற்காக, விளம்பரத்திற்காக நடத்தப்படுகிறது. நாமக்கல் மாவட்டத்துக்கு எத்தனையோ திட்டங்களைக் கொண்டு வந்துள்ளோம். நியாயமான பிரச்னைகளாக இருந்தால் கேட்போம். மக்களுடைய அடிப்படை பிரச்னைகளை திமுக தீா்க்கும்.

எனவே தற்போதைய பேருந்து நிலையம் நகரப் பேருந்து நிலையமாக தொடா்ந்து செயல்படும். அதே வேளையில் புதிய புகா் பேருந்து நிலையம் புறவழிச்சாலையில் அமையும். நாமக்கல் நகரில் புதிய பேருந்து நிலையம் பொதுமக்கள் பாராட்டும் வகையில் சிறப்பாக இயங்கி வருகிறது.

இதுபோன்ற போராட்டம் சிலரின் தூண்டுதல் பேரில் நடைபெறுகிறது. மக்களை எப்படி திசை திருப்பினாலும், அவா்களுக்கு உண்மை தெரியும் என்றாா்.