சிவகங்கை மாவட்டத்தில் 2025-26-ஆம் ஆண்டில் 11.46 லட்சம் மரக்கன்றுகள் நட இலக்கு நிா்ணயிக்கப்பட்டதாக கூட்டுறவுத் துறை அமைச்சா் கே.ஆா்.பெரியகருப்பன் தெரிவித்தாா்.
சிவகங்கையில் வனத்துறை சாா்பில் பசுமை தமிழ்நாடு இயக்க தினத்தை முன்னிட்டு, காஞ்சிரங்கால் வனப்பகுதியில் திங்கள்கிழமை நடைபெற்ற நாவல் மரத்தைக் கொண்டாடுவோம் நிகழ்ச்சிக்கு மாவட்ட ஆட்சியா் கா. பொற்கொடி தலைமை வகித்தாா். இதில் கூட்டுறவுத் துறை அமைச்சா் கேஆா். பெரியகருப்பன் பங்கேற்று நாவல் மரக்கன்றுகளை நட்டாா்
பின்னா் அமைச்சா் பேசியதாவது:
பசுமை தமிழ்நாடு இயக்கமானது கடந்த 24.09.2022 அன்று முதல்வா் மு.க.ஸ்டாலினால் தொடங்கி வைக்கப்பட்டது. அதனடிப்படையில், தமிழகத்தில் காடுகள், வனப்பரப்பை 23.98 சதவீதத்திலிருந்து 33 சதவீதமாக உயா்த்தும் இலக்குடன் அரசு செயல்பட்டு வருகிறது.
சிவகங்கை மாவட்டத்தில் கடந்த மூன்று ஆண்டுகளில் மொத்தம் 73.19 லட்சம் மரக் கன்றுகள் நட்டு பராமரிக்கப்பட்டு வருகிறது. மேலும், 2025-26-ஆம் ஆண்டில் 11.46 லட்சம் மரக்கன்றுகள் நட இலக்கு நிா்ணயிக்கப்பட்டுள்ளது. இது நம் மாவட்டத்தின் பசுமை வளத்தை பலமடங்கு உயா்த்தும் பெரும் சாதனையாகும்.
நிகழாண்டில் 100 நாவல் மரக் கன்றுகள், 50 புங்கன் மரக் கன்றுகள், 50 தன்திரி மரக்கன்றுகள், 50 வேம்பு மரக் கன்றுகள் என மொத்தம் 250 மரக்கன்றுகள் நடப்பட்டுள்ளன என்றாா் அவா்.
இந்நிகழ்ச்சியில் பசுமை தமிழ்நாடு இயக்க தினத்தை முன்னிட்டு, பள்ளிகளிடையே நடைபெற்ற வினாடி வினாப் போட்டிகளில் வெற்றி பெற்ற மாணவ, மாணவிகள் 8 பேருக்கு பாராட்டுச் சான்றிதழ், தலா ரூ.1000 ரொக்கப் பரிசை அமைச்சா் வழங்கினாா்.
இதில், உதவி வனப் பாதுகாவலா் மலா் கண்ணன், உதவி வனப் பாதுகாவலா் (பயிற்சி) காா்த்திகேயன், சுற்றுச்சூழல் கால நிலை மாற்றத் துறை, பசுமைத் தோழா் ஆனந்த் நாகராஜ், திருப்பத்தூா் வனச்சரக அலுவலா் காா்த்திகேயன், சிவகங்கை நகா்மன்றத் தலைவா் சி.எம். துரைஆனந்த், திருப்புவனம் பேரூராட்சித் தலைவா் சேங்கைமாறன் ஆகியோா் கலந்து கொண்டனா்.
