உத்தர பிரதேசத்தில் வெறுப்பைத் தூண்டும் வகையில் பேசிய வழக்கில் 2 ஆண்டுகள் சிறைத் தண்டனை விதிக்கப்பட்ட எம்எல்ஏ அப்பாஸ் அன்சாரி, சட்டப்பேரவையில் இருந்து தகுதிநீக்கம் செய்யப்பட்டதாக அரசு வட்டாரங்கள் ஞாயிற்றுக்கிழமை தெரிவித்தன.
நிழல் உலக தாதாவாக இருந்து அரசியல்வாதியாக மாறிய முக்தாா் அன்சாரியின் மகனான அப்பாஸ் அன்சாரி, கடந்த 2022-இல் மெள சதாா் தொகுதியில் சமாஜவாதி தலைமையிலான கூட்டணியின்கீழ் சுகல்தேவ் பாரதிய சமாஜ் கட்சி சாா்பில் போட்டியிட்டு வென்றவா். இப்போது சுகல்தேவ் பாரதிய சமாஜ் கட்சி, பாஜக தலைமையிலான ஆளும் தேசிய ஜனநாயக கூட்டணியில் அங்கம் வகிக்கிறது. கட்சித் தலைவா் ஓம் பிரகாஷ் ராஜ்பா் மாநில அமைச்சராக உள்ளாா்.
கடந்த 2022 பேரவைத் தோ்தலையொட்டி பொதுக்கூட்டத்தில் பேசிய அப்பாஸ் அன்சாரி, ‘தோ்தலுக்குப் பிறகு மெள நகராட்சி நிா்வாகத்தை பழிதீா்த்து பாடம் கற்பிப்பேன்’ என்று கூறியது சா்ச்சையை ஏற்படுத்தியது.
இது தொடா்பாக, அவா் மீது இந்திய தண்டனைச் சட்டத்தின் 189 (அரசுப் பணியாளா்களுக்கு அச்சுறுத்தல்), 153-ஏ (வெவ்வேறு குழுக்களுக்கு இடையே விரோதத்தைத் தூண்டுதல்) உள்ளிட்ட பிரிவுகளின் கீழ் போலீஸாா் வழக்குப் பதிவு செய்தனா். இந்த வழக்கை விசாரித்துவந்த சிறப்பு நீதிமன்றம், அப்பாஸ் அன்சாரியின் குற்றத்தை உறுதிப்படுத்தியதுடன் அவருக்கு 2 ஆண்டுகள் சிறைத் தண்டனையும் விதித்து கடந்த சனிக்கிழமை தீா்ப்பளித்தது.
மக்கள் பிரதிநிதித்துவச் சட்டத்தின்கீழ் இரண்டு ஆண்டுகள் அல்லது அதற்கு மேற்பட்ட காலத்துக்கு சிறைத் தண்டனை பெறும் மக்கள் பிரதிநிதிகள் தகுதிநீக்கத்துக்கு உள்ளாவா். அதன்படி, பேரவையில் இருந்து அப்பாஸ் அன்சாரி தகுதிநீக்கம் செய்யப்பட்டுள்ளதாகவும், மெள சதாா் தொகுதி காலியானதாக அறிவிக்கப்பட்டுள்ளதாகவும் அதிகாரபூா்வ வட்டாரங்கள் ஞாயிற்றுக்கிழமை தெரிவித்தன.
அப்பாஸ் அன்சாரியின் தந்தை முக்தாா் அன்சாரி, மெள சதாா் தொகுதியில் தொடா்ந்து 5 முறை எம்எல்ஏவாக பதவி வகித்தவா். 60-க்கும் மேற்பட்ட குற்ற வழக்குகளை எதிா்கொண்டுவந்த அவா், 8 வழக்குகளில் குற்றவாளியாக தீா்ப்பளிக்கப்பட்டாா். உத்தர பிரதேசத்தின் பாண்டா மாவட்ட சிறையில் அடைக்கப்பட்டிருந்தபோது, கடந்த 2024, மாா்ச்சில் மாரடைப்பு ஏற்பட்டு உயிரிழந்தாா்.
பதவி பறிக்கப்பட்ட 6-ஆவது எம்எல்ஏ
உத்தர பிரதேசத்தின் நடப்பு 18-ஆவது சட்டப்பேரவையில் தகுதிநீக்கம் செய்யப்பட்ட 6-ஆவது எம்எல்ஏ அப்பாஸ் அன்சாரி ஆவாா். ஏற்கெனவே ஆஸம் கான் (சமாஜவாதி), அவரது மகன் அப்துல்லா ஆஸம் கான் (சமாஜவாதி), ஹாஜி இா்ஃபான் சோலங்கி (சமாஜவாதி), விக்ரம் சிங் (பாஜக), ராம்துலாா் (பாஜக) ஆகியோா் தகுதிநீக்கத்துக்கு உள்ளாகினா்.
