விழுப்புரம் மாவட்டம், காணை அருகே புகையிலைப் பொருள்களை வைத்திருந்ததாக இளைஞா் சனிக்கிழமை கைது செய்யப்பட்டாா்.
விழுப்புரம் மாவட்ட எஸ்.பி. தீபக் சிவாச் உத்தரவின்பேரில், காணை காவல் நிலைய போலீஸாா் சனிக்கிழமை ரோந்துப் பணியில் ஈடுபட்டிருந்தனா்.
காணையிலுள்ள பள்ளி அருகே நின்ற இளைஞரிடம் சோதனை நடத்தியதில், அவா் வைத்திருந்த பையில் புகையிலைப் பொருள்கள் இருந்தது தெரிய வந்தது.
அவரிடம் போலீஸாா் விசாரணை நடத்தியதில், கண்டாச்சிபுரம் வட்டம், நாயனூா் பிள்ளையாா் கோவில் தெருவைச் சோ்ந்த தேவராஜ் மகன் வீரமணி (24) என்பதும், விற்பனைக்காக புகையிலைப் பொருள்களை வைத்திருந்ததும் தெரிய வந்தது.
இதுகுறித்து காணை போலீஸாா் வழக்குப் பதிந்து வீரமணியைக் கைது செய்தனா். மேலும், அவரிடமிருந்த சுமாா் 5 கிலோ புகையிலைப் பொருள்கள் பறிமுதல் செய்யப்பட்டன.
